Nýju stúlkurnar á LPGA 2013: Marina Stütz – (14. grein af 27)

Í dag verður fram haldið að kynna þær 6 stúlkur, sem deildu 11. sætinu á lokaúrtökumóti Q-school á Daytona Beach dagana 28. nóvember – 2. desember 2012 og flugu inn á LPGA.

Í gær var þýska stúlkan Caroline Masson og þar áður bandaríski kyfingurinn Brooke Pancake. Í dag verður Marina Stütz frá Austurríki kynnt  og fram haldið næstu daga með Austin Ernst, Kim Welch og Kaylu Mortellaro.

Marina Stütz er 19 ára frá Linz í Austurríki.   Til þess að sjá viðtal við Marinu eftir lokahring í lokaúrtökumóti LPGA SMELLIÐ HÉR: 

Marina hefir m.a. komið hingað til lands; á vallarmetið af bláum teigum á Strandarvelli, Hellu, en hún lék þar á 67 höggum í Icelandic Junior Masters árið 2009.

Önnur mót sem Marina hefir tekið þátt í eru: Harder German Junior Masters (í Þýskalandi);  The US Junior Masters (í Bandaríkjunum) og Gate American Junior a WJGS Event (USA).

Nú í sumar spilaði Marina í fyrsta sinn í British Women´s Open risamótinu, sem áhugamaður.

Marina er í 10. sæti á heimslista áhugamanna (þ.e. kvenna – með 3,3 í fgj.)  Heima í Austurríki er hún í golfklúbbi Kitzbühel.

Marina komst inn á LPGA mótaröðina – sterkustu mótaröð kvenna í heimi í fyrstu tilrun.