Nýju stúlkurnar á LPGA 2013: Irene Cho (8. grein af 27)

Næstu daga verða þær 4 stúlkur kynntar sem voru svo heppnar að halda lengst út í 7 stúlkna bráðabana á lokaúrtökumóti LPGA, um hverjar myndu hljóta síðustu 4 sætin af  efstu 20 en allar urðu þessar 7 jafnar í 17. sæti.  Þær heppnu sem hlutu 17.,18., 19. og 20. sætið voru Irene Cho, Taylore Karle, Nicole Jeray og Lauren Doughtie, allar frá Bandaríkjunum.  Lokaúrtökumótið fór fram 28. nóvember – 2. desember 2012.

Í dag verður Irene Cho kynnt. Irene fæddist 10. ágúst 1984 í La Habra, Kaliforníu og er því 28 ára. Hún byrjaði að spila golf 11 ára.

Innan nokkurra ára varð hún besti kylfingurinn á Unglingamótaröð Bandaríkjanna sem fer fram á vegum AJGA (American Junior Golf Association)

Cho var í háskóla í USC og þar varð hún þrisvar  All American og vann 5 mót. Vegna árangurs síns var hún útnefnd Honda háskólakylfingur ársins 2006.

Síðla árs 2006/skv. sumum heimildum snemma árs 2007 gerðist Cho atvinnumaður og fór í Q-school og varð jöfn í 10. sæti og hlaut full keppnisréttindi á LPGA fyrir árið 2007.  Besti árangur Irene það árið var 23. sætið á Safeway International, sem hún deildi með öðrum. Hún hélt ekki kortinu fyrir 2008 og var bara með takmarkaðan spilarétt það ár. Engu að síður var keppnistímabil hennar mun betra en árinu áður. Hún var tvisvar meðal 10 efstu þ.á.m. T-6 á LPGA Championship risamótinu og hlaut því full réttindi aftur á LPGA 2009.

Árið 2010 varð Cho í 82. sætinu á peningalistanum og hlaut aftur bara takmarkaðan spilarétt. Hún varð aðeins 1 sinni meðal 10 efstu þ.e. á the Tres Marias Championship í Mexikó. Cho missti af öllu 2011 keppnistímabilinu vegna veikinda …. en nú er hún komin aftur og spilar 2013 á LPGA með full keppnisréttindi – það rétt slapp í þetta sinn!!!