Ragnheiður Jónsdóttir | apríl. 4. 2012 | 18:30

Nýju stúlkurnar á LPGA 2012 (14. grein af 20) – Maude-Aimee Leblanc og Sandra Changkija

Í kvöld verða þær 2 stúlkur kynntar sem deildu með sér 7. sætinu á Q-school LPGA, í desember á s.l. ári en það eru :

T7 Sandra Changkija   (Orlando, Fla.) 73-72-72-73 – 70 – 360 (E) $2,650
Maude-Aimee Leblanc   (Sherbrooke, Canada) 75-71-71-71 – 72 – 360 (E) $2,650

Byrjum á kanadísku stúlkunni Maude-Aimee Leblanc:

Maude Aimee Leblanc

Maude Aimee Leblanc fæddist 14. febrúar 1989 og er því 23 ára. Hún byrjaði að spila golf 5 ára. Hún segir pabba sinn hafa verið þann aðila sem hafði mest áhrif á golfferil sinn.  Meðal áhugamála utan golfsins er að spila tennis, horfa á kvikmyndir, verja tíma með fjölskyldu og vinum og fara í vínsmakkanir. Hún segir það að hafa leikið sér með ljónsunga í Suður-Afríku meðal þess svalasta sem hún hafi gert í lífi sínu. Hún komst á LPGA í fyrstu tilraun.

Sandra Changkija. … fæddist  10. maí 1989 og er því 22 ára.

Sandra Changkija

Sandra byrjaði að spila golf 5 ára. Meðal áhugamála hennar eru eldamennska og allar aðrar íþróttagreinar. Sandra spilaði golf með Nova Southeastern University og útskrifaðist þaðan með gráðu í viðskiptafræði 2011.Í háskólagolfinu vann hún m.a. einstaklingskeppnir 16 sinnum.  Í ársbyrjun 2011 spilaði Sandra á Futures tour. Hún komst á LPGA í fyrstu tilraun sinni í árslok síðasta árs.  Hægt er að fylgjast með Söndru á Twitter þ.e. á @SandraChangkija.