Ragnheiður Jónsdóttir | apríl. 2. 2012 | 20:30

Nýju stúlkurnar á LPGA 2012 (12. grein af 20) – Stephanie Kono, Angela Oh, Cydney Clanton

Hér er komið að því að kynna þær 6 stúlkur á lokaúrtökumóti Q-school LPGA, sem deildu 9. sætinu, en mótið fór fram á Legends og Champions golfvöllunum á LPGA International á Daytona Beach. Stúlkurnar eru eftirfarandi:

T9 Rebecca Lee-Bentham   (Toronto, Canada) 73-76-75-72 – 67 – 363 (+3) $2,125
Meredith Duncan   (Shreveport, La.) 76-70-72-75 – 70 – 363 (+3) $2,125
Minea Blomqvist   (Espoo, Finland) 70-75-73-75 – 70 – 363 (+3) $2,125
Cydney Clanton   (Concord, N.C.) 72-76-70-74 – 71 – 363 (+3) $2,125
Angela Oh   (Baltimore, Md.) 70-75-72-74 – 72 – 363 (+3) $2,125
Stephanie Kono (a)   (Honolulu, Hawaii) 67-71-75-75 – 75 – 363 (+3)

 

Í kvöld verður byrjað á að kynnna 3 stúlkur: Stephanie Kono, Angelu Oh og Cydney Clanton. Hinar 3 verða síðan kynntar á morgun.

Byrjum á Stephanie Kono.

Stephanie Kono.

Stephanie fæddist 27. nóvember 1989 og er því 22 ára. Hún byrjaði að spila golf 6 ára. Stephanie segir foreldra sína hafa haft mest áhrif á feril sinn. Meðal áhugamála utan golfsins segir hún að sé að ferðast, lesa og versla. Ef hún gæti verið í hvaða sjónvarpsþætti sem hún vildi þá myndi hún helst vilja vera í Jeopardy vegna þess að henni finnst sá þáttur heillandi. Stephanie spilaði golf í UCLA í bandaríska háskólagolfinu og gerðist atvinnukylfingur 2011. Árinu þar áður var hún  í US Curtis Cup liðinu.  Hún komst í gegnum Q-school LPGA í fyrstu tilraun.

Angela Oh.

Angela Oh.

Angela fæddist 26. september 1988 og er því 23 ára. Angela byrjaði að spila golf 10 ára. Hún segir foreldra sína mestu áhrifavalda á feril sinn. Meðal áhugamála hennar eru að hlusta á tónlist, spila á gítar, fara í ræktina og tala við fjölskyldu og vini á netinu.

Oh var Philadelphia Section Player of the Year 2003 og 2004 og vann tvívegis New Jersey State Junior Championship (2005-06). Oh var í 2004 Junior Ryder Cup liðinu og árið  2005 var hún Junior PGA nýliði ársins. Í University of Tennessee, var Oh was útnefnd All-Southeastern Conference (SEC) Second Team, árið 2007.

Árið 2008, þ.e. í júní það ár gerðist Angela atvinnumaður í golfi. Hún komst í gegnum Q-school LPGA í fyrstu tilraun. Árið 2009 varð hún í 6. sæti á peningalista Duramed Futures Tour, með 6 topp-10 niðurstöður þ.m.t. sigur á Florida’s Natural Charity Classic in Winter Haven, Flórida. Á s.l. keppnistímabili var besti árangur hennar T-47 niðurstaða á Avnet LPGA Classic.

Loks er það Cydney Clanton.

Cydney Clanton.

Cydney Clanton fæddist 18. júlí 1989 og er því 22 ára. Óvíst að hún viti það en hún á sama afmælisdag og sjálfur Nick Faldo.

Cydney byrjaði að spila golf 10 ára. Meðal áhugamála hennar eru íþróttir, að lita og horfa á íþróttir. Ef hún væri ekki atvinnumaður á LPGA myndi hana hafa langað til að verða kennari. Cydney útskrifaðist frá Auburn University, með gráðu í fjármálafræði 2011. Hún spilaði með Auburn í bandaríska háskólagolfinu.  Sjá má nákvæma samantekt um afrek Cydney í háskólagolfinu HÉR:

Cydney komst í gegnum Q-school LPGA í fyrstu tilraun.