Nýju stúlkurnar á LET: Inci Mehmet (53/66)

Lokaúrtökumót LET fór fram á golfvöllum í Samanah og Almelkis golfklúbbana í Marokkó, dagana 17.-21. desember 2016 og voru spilaðir hefðbundnir 5 hringir.

Efstu 30 í lokaúrtökumóti LET, Lalla Aicha Q-school í Marokkó hlutu fullan og næstu 36 þ.e. þær sem höfnuðu í sætum 31-66 takmarkaðan spilarétt.

Stoltið okkar, sú sem hafnaði í 2. sæti, Valdís Þóra Jónsdóttir, hefir þegar verið kynnt en nú verður hafist handa við að kynna hinar.

Nú erum við að kynna þær sem höfnuðu í 12. sæti og hlutu fullan spilarétt á LET; en það voru 4 stúlkur sem allar léku á 7 undir pari, 353 höggum, hver.

Þetta eru þær Ariane Provot frá Frakklandi (70 74 70 70 69); Inci Mehmet frá Englandi (71 72 73 67 70); Natalia Escuriola Martinez frá Spáni (66 73 68 75 71) og Lauren Horseford frá Englandi.

Ariane Provot hefir þegar verið kynnt og nú verður Inci Mehmet kynnt.

Inci Mehmet fæddist í London 2. október 1996 og er því 20 ára.  Hún býr í Richmond í Englandi.

Inci segist hafa byrjað að spila golf 4 ára en farið að keppa 11 ára.

Hún gerðist atvinnumaður í golfi 1. janúar á þessu ári, 2017.

Inci segir uppáhaldskylfing sinn vera Jason Day og uppáhaldslið Chelsea og Miami Heat & Dolphins.

Inci segist hafa áhuga á bílum, tónlist, námi og ræktinni.

Sjá má kynningarmyndskeið með Inci Mehmet með því að SMELLA HÉR: 

Nú nýverið birti LET líka kynningu á Inci í greinaflokknum „Meet the rookie“ eða „Kynnist nýliðanum“ og má sjá með því að SMELLA HÉR: