Ragnheiður Jónsdóttir | mars. 28. 2020 | 16:00

Nýju stúlkurnar á LET 2020: Valentine Derrey (21/65)

Á lokahring lokaúrtökumótsins fyrir LET spila 60 efstu og þær sem jafnar eru í 60. sætinu.

Í ár voru 7 stúlkur jafnar í 59. sætinu eftir 4. hring úrtökumótsins og spiluðu því alls 65 stúlkur lokahringinn og verða allar 65 kynntar, en lokastaðan í úrtökumótinu var eftirfarandi SMELLIÐ HÉR:

Dansað var úr röðinni og íslenski keppandinn, sem komst í flokk 8a, Guðrún Brá Björgvinsdóttir þegar verið kynnt, sem og enska stúlkan Rachel Drummond, sem var meðal þeirra 7 sem rétt sluppu inn á lokahringinn.

Nú verða stúlkurnar kynntar eftirleiðis eftir þeirri sætisröð sem þær lentu í á lokaúrtökumótinu. Sú sem varð í 65. sætinu, sænski kylfingurinn Isabelle Johansson hefir þegar verið kynnt. Næst voru kynntar þær sem deildu 61. sætinu og þær tvær sem deildu 57. sætinu og þær 7 sem deildu 50. sætinu.

Næst verða kynntar þær 6 af 7 stúlkum sem urðu jafnar í 43. sæti þ.e. T-43 á samtals 10 yfir pari, 371 höggum, en þetta eru þær: Rachel Drummond (hefir þegar verið kynnt); Georgia Iziemgbe Oboh frá Nígeríu; Elía Folch frá Spáni; Ha rang Lee frá Spáni; Valentine Derrey frá Frakklandi; Madelene Stavnar frá Noregi og enski áhugamaðurinn Georgina Blackman.

Georginu Blackman og Madelene Stavnar hafa þegar verið kynntar og í dag er það Valentine Derrey  sem var uppreiknað í 47. sætinu á lokaúrtökumótinu með skor upp á og spilar því ekki á Evrópumótaröð kvenna á næsta keppnistímabili.

Valentine Derrey fæddist 13. júní 1987 í París, Frakklandi og er því 32 ára. Hún byrjaði að spila golf 7 ára.

Derrey spilaði í bandaríska háskólagolfinu með Texas Christian University (TCU) þar sem hún varð 11 sinnum meðal 10 efstu, þ.á.m. sigraði hún einu sinni. Hún var í 9 ár hluti af franska golflandsliðinu (2001-2009); hún er þrefaldur sigurvegari French Junior Championship (2001, 2004, 2005) og varð í 2. sæti á British Girls Cup 2004 og franskur bikarmeistari 2005.

Í október 2010 gerðist Valentine atvinnumaður í golfi. Hún spilaði fyrst á Symetra Tour, keppnistímabilin 2010 og 2011 og þar vann hún Tate & Lyle Championship í Decatur, Illinois. Hún varð 7. og vann sér inn kortið sitt á LPGA fyrir keppnistímabilið 2012. Hún keppti líka á LET, 2011.

Meðal áhugamála Valentine er að horfa á kvikmyndir, verja tíma með fjölskyldu og vinum og fara í ræktina. Aðspurð í hvaða sjónvarpsþætti í Bandaríkjunum hún myndi gjarnan fá að leika ef tækifæri byðist þá svaraði hún Greys Atonomy vegna þess að það er uppáhaldsþáttur hennar.

Hér má sjá viðtal við Valentine Derrey í bandaríska golfþættinum Morning Drive, SMELLIÐ HÉR: