Nýju stúlkurnar á LET 2020: Rochelle Morris (8/65)

Á lokahring lokaúrtökumótsins fyrir LET spila 60 efstu og þær sem jafnar eru í 60. sætinu.

Í ár voru 7 stúlkur jafnar í 59. sætinu eftir 4. hring úrtökumótsins og spiluðu því alls 65 stúlkur lokahringinn og verða allar 65 kynntar, en lokastaðan í úrtökumótinu var eftirfarandi SMELLIÐ HÉR:

Dansað var úr röðinni og íslenski keppandinn, sem komst í flokk 8a, Guðrún Brá Björgvinsdóttir þegar verið kynnt, sem og enska stúlkan Rachel Drummond, sem var meðal þeirra 7 sem rétt sluppu inn á lokahringinn.

Nú verða stúlkurnar kynntar eftirleiðis eftir þeirri sætisröð sem þær lentu í á lokaúrtökumótinu. Sú sem varð í 65. sætinu, sænski kylfingurinn Isabelle Johansson hefir þegar verið kynnt. Næst voru kynntar þær sem deildu 61. sætinu, þ.e.: sænski kylfingurinn Emma Westin, Anaelle Carnet frá Frakklandi, Vani Kapoor frá Indlandi og enski kylfingurinn Georgia Coughlin.

Nú verður enski kylfingurinn Rochelle Morris kynnt en hún varð ein í 60. sæti; lék á samtals 15 yfir pari, 376 höggum (73 74 76 75 78).

Rochelle Morris fæddist í Huddersfield, Yorkshire á þjóðhátíðardegi Íslendinga 17. júní 1995 og er því 24 ára.

Meðal helstu afreka á áhugamannsferli Morris er eftirfarandi:

Hún varð Faldo Series u21 meistari árið 2013 og sigraði á English County Champions Yorkshire, 2013
2014-Yorkshire County meistari
2015-Varð í 2. sæti á English Amateur og English Strokeplay
2016-Var í sveit Englands&Írlands í  Curtis Cup

Arið 2017-var Morris í sveit Englands í European team championships (og tók enska sveitin gullið) og eins tók hún þátt í the Home Internationals þar sem hún sigraði í öllum 6 viðureignum sínum
Sigraði í English County Champions Yorkshire
Vann leveret Trophy
Varð T1 í Critchley Salver

Morris gerðist atvinnumaður í golfi 28. september 2017 og 2018 var hún komin á LET Access, þar sem hún mun spila enn um sinn, a.m.k. keppnistímabilið 2020.

Meðal áhugamála Morris utan golfsins er að fara í ræktina, verja tíma með vinum og matur/drykkur.

Fylgjast má með Rochelle Morris bæði á Instagram og Twitter; Instagram: @ROCHELLEMORRISGOLF Twitter: @ROCHELLEMORRIS

Sjá má gott viðtal LET Access við Morris með því að SMELLA HÉR: