Nýju stúlkurnar á LET 2020: Monique Smit (46/65)

Á lokahring lokaúrtökumótsins fyrir LET spila 60 efstu og þær sem jafnar eru í 60. sætinu.

Í ár voru 7 stúlkur jafnar í 59. sætinu eftir 4. hring úrtökumótsins og spiluðu því alls 65 stúlkur lokahringinn og verða allar 65 kynntar, en lokastaðan í úrtökumótinu var eftirfarandi SMELLIÐ HÉR:

Dansað var úr röðinni og hefir íslenski keppandinn, sem komst í flokk 8a, Guðrún Brá Björgvinsdóttir, þegar verið kynnt, sem og enska stúlkan Rachel Drummond, sem var meðal þeirra 7 sem rétt sluppu inn á lokahringinn.

Nú verða stúlkurnar kynntar eftirleiðis eftir þeirri sætisröð sem þær lentu í á lokaúrtökumótinu. Sú sem varð í 65. sætinu, sænski kylfingurinn Isabelle Johansson hefir þegar verið kynnt. Næst voru kynntar þær sem deildu 61. sætinu og þær tvær sem deildu 57. sætinu, þær 7 sem deildu 50. sætinu, þær 7 (6), sem urðu T-43, þær 6 sem urðu T-37 og þær 4, sem deildu 33. sætinu; þær 7 stúkur sem deildu 27 sætinu; þær tvær sem urðu T-25 og þá sem varð ein í 24. sætinu.

Næst verða kynntar þær tvær sem urðu T-20 en það eru spænski kylfingurinn Mireia Prat, Leonie Harm frá Þýskalandi; Manon Gidali frá Frakklandi og Monique Smit frá S-Afríku. Þær léku allar á samtals 4 yfir pari.

Allar nema Smit hafa þegar verið kynntar og í dag er er röðin komin að henni, en  hún varð uppreiknað í 20. sætinu og er sú fyrsta (fyrir utan Guðrúnu Brá, sem þegar hefir verið kynnt), til að hljóta fullan spilarétt á LET, 2020.

Monique Smit fæddist 26. febrúar 1991 í Nelspruit, Suður-Afríku og er því 29 ára.

Smit er ljóshærð og brúneyg. Hún byrjaði að spila golf 11 ára og segir móður sína og frænda hafa haft mest áhrif á feril sinn.

Þann 1. ágúst 2011 gerðist Smit atvinnumaður í golfi efti farsælan áhugamannsferil í S-Afríku.

Smit býr í George í S-Afríku. Hún hefir áður spilað á LET, en reyndi fyrst fyrir sér í úrtökumóti árið 2015.

Meðal áhugamála Smit eru allar íþróttir, bílar, að horfa á kvikmyndir, lesa og verja tíma með vinum sínum.