Nýju stúlkurnar á LET 2020: Anaelle Carnet (6/65)

Á lokahring lokaúrtökumótsins fyrir LET spila 60 efstu og þær sem jafnar eru í 60. sætinu.

Í ár voru 7 stúlkur jafnar í 59. sætinu eftir 4. hring úrtökumótsins og spiluðu því alls 65 stúlkur lokahringinn og verða allar 65 kynntar, en lokastaðan í úrtökumótinu var eftirfarandi SMELLIÐ HÉR:

Dansað var úr röðinni og íslenski keppandinn, sem komst í flokk 8a, Guðrún Brá Björgvinsdóttir þegar verið kynnt, sem og enska stúlkan Rachel Drummond, sem var meðal þeirra 7 sem rétt sluppu inn á lokahringinn.

Nú verða stúlkurnar kynntar eftirleiðis eftir þeirri sætisröð sem þær lentu í á lokaúrtökumótinu. Sú sem varð í 65. sætinu, sænski kylfingurinn Isabelle Johansson hefir þegar verið kynnt.

Næst verða þær 4 kynntar sem urðu T-61, þ.e. deildu 61. sætinu en það eru: sænski kylfingurinn Emma Westin, Anaelle Carnet frá Frakklandi, Vani Kapoor frá Indlandi og enski kylfingurinn Georgia Coughlin.

Þær léku allar á 16 yfir pari, 377 höggum. Coughlin og Kapoor hafa þegar verið kynntar þannig í dag er það Anaelle Carnet, sem verður kynnt en hún varð uppreiknað í 62. sæti.

Anaelle Carnet fæddist 21. maí 1994 í Lons de Saunier í Frakklandi og er því 25 ára.

Í dag býr Carnet í Voiteur, í Frakklandi.

Hún gerðist atvinnumaður í golfi 1. janúar 2015.

Áhugamál utan golfsins er að hlusta á tónlist, hjóla og matreiðsla.

Fylgjast má með Carnet á Instagram á @ANAELLE_CARNET.

Því miður komst Carnet ekki á Evrópumótaröð kvenna að þessu sinni, fær bara að spila á LET Access keppnistímabilið 2020, eins og hún hefir gert undanfarin 3 keppnistímabil. Árið 2014 spilaði hún m.a.s. á LET Access sem áhugamaður í 1 móti.