Nýju stúlkurnar á LET 2020: Ainil Bakar (12/65)

Á lokahring lokaúrtökumótsins fyrir LET spila 60 efstu og þær sem jafnar eru í 60. sætinu.

Í ár voru 7 stúlkur jafnar í 59. sætinu eftir 4. hring úrtökumótsins og spiluðu því alls 65 stúlkur lokahringinn og verða allar 65 kynntar, en lokastaðan í úrtökumótinu var eftirfarandi SMELLIÐ HÉR:

Dansað var úr röðinni og íslenski keppandinn, sem komst í flokk 8a, Guðrún Brá Björgvinsdóttir þegar verið kynnt, sem og enska stúlkan Rachel Drummond, sem var meðal þeirra 7 sem rétt sluppu inn á lokahringinn.

Nú verða stúlkurnar kynntar eftirleiðis eftir þeirri sætisröð sem þær lentu í á lokaúrtökumótinu. Sú sem varð í 65. sætinu, sænski kylfingurinn Isabelle Johansson hefir þegar verið kynnt. Næst voru kynntar þær sem deildu 61. sætinuog þær tvær sem deildu 57. sætinu, en þær spiluðu báðar á 12 yfir pari, 373 höggum

Næst verða kynntar þær 7 stúlkur sem urðu jafnar í 50. sæti þ.e. T-50 á samtals 11 yfir pari, 372 höggum, en þetta eru þær: Emelie Borggren frá Svíþjóð; Greta Isabella Voelker frá Þýskalandi indverski kylfingurinn Sharmila Nicolett; Louise Markvardsen frá Danmörku; enski kylfingurinn Sophie Keech, Justine Dreher frá Frakklandi og Ainil Bakar frá Malasíu.

Byrjað verður á því að kynna Ainil Bakar en hún lék hringina 5 með eftirfarandi hætti  (78 70 74 71 79)  og varð uppreiknað í 56. sætinu.

Ainil Bakar fæddist 2. nóvember 1989 í bænum Klang í Malasíu og er því 30 ára.

Bakar býr í Sungai Buoh, í Malasíu. Ainil segir að bróðir sinn hafi haft mest áhrif á sig í golfinu.

Ainil gerðist atvinnumaður í golfi 1. október 2010.

Hún spilaði í 1 LET móti 2011 sem var samstarfsverkefni við Asíutúrinn; Hero Women´s Indian Open og varð í 12. sæti.

Árið 2012 lék hún í 2 mótum á LET aftur í samstarfi við Asíutúrinn og varð nú í 51. sæti á Hero Women´s Indian Open, sem var annað þessara tveggja móta; hitt var China Suzhou Taihu Open, þar sem hún varð í 39. sæti.

Árið 2013 lék hún aftur í síðarnefnda mótinu og varð í 55. sæti en komst ekki gegnum niðurskurð á Sanya Ladies Open.

Árið eftir 2014 var nýliðaár Ainil á LET en henni gekk ekki vel og 2015 spilaði hún aðeins í 2 mótum á LET, sem aftur voru samstarfsverkefni við Asíutúrinn þ.e. Sanya Ladies Open, þar sem hún varð í 14. sæti og Hero Women´s Indian Open, þar sem hún náði aðeins 84. sætinu.

Hún fór í Q-school í árslok 2015 og landaði þar 2. sætinu og var komin með full spilaréttindi á LET 2016. Aftur gekk ekki nógu vel 2016, besti árangurinn T-34 á Ladies Qatar Open. Hins vegar náði hún besta árangri sínum í golfinu til þessa, sigri á LET Access þ.e. á EVLI Ladies Finish Open.

En þar sem árangurinn var ekki nógu góður á LET varð Ainil að fara aftur í Q-school, en náði aðeins T-47 árangri og var því einungis með takmörkuð spilaréttindi 2017.

Nú hins vegar eftir Q-school 2017 er Ainil aftur komin með kortið sitt og full spilaréttindi á LET 2018.

Uppáhaldskylfingar Bakar eru Lorena Ochoa og Tiger Woods.

Bakar er í 630. sæti á Rolex-heimslista kvenkylfinga.

Áhugamál Ainil fyrir utan golfið eru að ferðast, lesa bækur, hlusta á tónlist og badminton.

Twitter reikningur Ainil er: @AINILJOHA