Ragnheiður Jónsdóttir | febrúar. 5. 2018 | 14:00

Nýju stúlkurnar á LET 2018: Sanna Nuutinen (8/25)

Golf 1 mun nú kynna þær stúlkur sem hlutu fullan keppnisrétt á Evrópumótaröð kvenna, en lokaúrtökumótið fór fram í Marokkó í 16.-20. desember 2017.

Leiknir voru 5 hringir og voru stúlkurnar 60 að þessu sinni sem kepptu um kortið sitt, þ.á.m. Guðrún Brá Björgvinsdóttir, GK.

Það voru 25 efstu stúlkurnar sem komust á LET og baráttan í ár var hörð.

T.a.m. voru 6 stúlkur jafnar í 24. sætinu á samtals 4 undir pari, 356 höggum og varð að koma til bráðabana milli þeirra því aðeins tvö sæti voru í boði þ.e. það 24. og 25.

Það voru tvær norskar stúlkur sem sigruðu í bráðabananum þ.e. þær Celine Borge og Madeleine Stavnar (báðar með örn á par-5 18. holuna þar sem úrslitin réðust).

Þær 4, sem sátu eftir með sárt ennið voru hin spænska Maria Palacios Siegenthaler; Julie Aime frá Frakklandi; Kiran Matharu frá Englandi og Tiia Koivisto frá Finnlandi.

Þessar tvær heppnu stúlkur, sem unnu í bráðabanaum um 24. og 25. sætin hafa nú verið kynntar og eins stúlkurnar 5 sem urðu í 19.sæti en það eru Ariane Provot frá Frakklandi; Katja Pogacar frá Slóveníu; Ainil Bakar frá Bandaríkjunum; Sideri Vanova frá Tékklandi og Lucrezia Colombotto Rosso frá Ítalíu.

Í dag verður byrjað að kynna stúlkurnar 3 sem urðu í 16. sæti: Eliu Folch frá Spáni; Cloe Frankish frá Englandi og Sönnu Nuutinen frá Finnandi.  Allar léku þessar stúlkur á samtals 6 undir pari, 354 höggum.  Byrjað verður á finnsku „frænku“ kokkar Nuutinen.

Sanna Nuutinen fæddist í Helsinki, Finnlandi, 8. apríl 1991 og er því 26 ára. Hún byrjaði í golfinu með foreldrum sínum, 6 ára.

Sanna var í bandaríska háskólagolfinu þar sem hún spilaði með liði  Texas Christian University. Hún útskrifaðist þaðan 2014 með gráðu í sálfræði.

Sanna gerðist atvinnumaður í golfi útskriftarárið sitt í háskólanum, 1. ágúst 2014.

Árið 2016 vann Nuutinen fyrsta mót sitt á LET Access en það var NordicTrack Open de Strasbourg á Golf de Strasbourg,

Sjá má viðtal við Sönnu sem tekið var 2016 með því að SMELLA HÉR: 

Þegar sanna er ekki í golfi þá finnst henni gaman að vera í ræktinni og hefir sérlegan áhuga á lyfingum. Hún hefir einnig áhuga á að horfa á íshokkí.

Heima í Finnlandi er Sanna í Keimola Golf.

Fylgjast má með Sönnu á félagsmiðlunum: TWITTER: @SANNANUUTINEN INSTAGRAM: @SANNA_UUTINEN