Ragnheiður Jónsdóttir | janúar. 22. 2018 | 14:00

Nýju stúlkurnar á LET 2018: Celine Borge (2/25)

Golf 1 mun nú kynna þær stúlkur sem hlutu fullan keppnisrétt á Evrópumótaröð kvenna, en lokaúrtökumótið fór fram í Marokkó í 16.-20. desember 2017.

Leiknir voru 5 hringir og voru stúlkurnar 60 að þessu sinni sem kepptu um kortið sitt, þ.á.m. Guðrún Brá Björgvinsdóttir, GK.

Það voru 25 efstu stúlkurnar sem komust á LET og baráttan í ár var hörð.

T.a.m. voru 6 stúlkur jafnar í 24. sætinu á samtals 4 undir pari, 356 höggum og varð að koma til bráðabana milli þeirra því aðeins tvö sæti voru í boði þ.e. það 24. og 25.

Það voru tvær norskar stúlkur sem sigruðu í bráðabananum þ.e. þær Celine Borge og Madeleine Stavnar (báðar með örn á par-5 18. holuna þar sem úrslitin réðust).

Þær 4, sem sátu eftir með sárt ennið voru hin spænska Maria Palacios Siegenthaler; Julie Aime frá Frakklandi; Kiran Matharu frá Englandi og Tiia Koivisto frá Finnlandi.

Tekið verður til við að kynna norsku frænkur okkar sem nú spila á LET og voru svo heppnar að vinna bráðabanann og síðan koll af kolli og endað á þeirri sem varð nr. 1, en það var hin bandaríska Casey Danielson.

Í gær var Madeleine Stavnar kynnt og í dag verður Celine Borge kynnt.

Celine Borge fæddist 5. ágúst 1998 og er því bráðung 19 ára.

Celine á sama afmælisdag og margir þekktir kylfingar m.a. Ólafur Björn okkar Loftsson, Paula Creamer og Anna Rawson.

Celine gerðist atvinnumaður í golfi 1. janúar á þessu ári þ.e. fyrir 3 vikum!

Af hápunktum á áhugamannsferli Celine mætti nefna að hún varð Irish Girls Champion árið 2016.

Komast má á facebook síðu Borge með því að SMELLA HÉR: