Nýju stúlkurnar á LET 2017: Julie Maisongrosse (11/66)

Lokaúrtökumót LET fór fram á golfvöllum í Samanah og Almelkis golfklúbbana í Marokkó, dagana 17.-21. desember 2016 og voru spilaðir hefðbundnir 5 hringir.

Efstu 30 í lokaúrtökumóti LET, Lalla Aicha Q-school í Marokkó hlutu fullan og næstu 36 þ.e. þær sem höfnuðu í sætum 31-66 takmarkaðan spilarétt.

Stoltið okkar, sú sem hafnaði í 2. sæti, Valdís Þóra Jónsdóttir, hefir þegar verið kynnt en nú verður hafist handa við að kynna hinar og byrjað á þeim sem rétt sluppu inn á LET.

Það voru 7 stúlkur sem höfnuði í 51. sæti allar á samtals 4 yfir pari, 364 höggum, en þetta eru þær: María Beautell; Marie Fourquier,Julie Maisongrosse, Elizabeth Mallett; Jessica Bradley, Francesca Cuturi og Sideri Vanova.

María Beautell frá Spáni hefir þegar verið kynnt og í dag verður Julie Maisongrosse frá Frakklandi kynnt.

Julie Maisongrosse fæddist í Kólombíu 19. mars 1988 og er því 28 ára.

Hún átti góðan áhugamannaferil; spilaði með unglingalandsliði Frakklands árin n 2002, 2004 og 2005.

Árið 2009 vann hún á 11 mótum í Frakklandi og árið eftir 2010 gerðist Maisongrosse atvinnumaður í golfi.

Hún hefir sigrað 1 sinni á LET Access mótaröðinni en það var Dinard Open mótið árið 2011.

Nú er hún komin með takmarkaðan spilarétt á LET og verður væntanlega aðallega áfram á LET Access.