Nýju stúlkurnar á LET 2017: Lauren Taylor (45/66)

Lokaúrtökumót LET fór fram á golfvöllum í Samanah og Almelkis golfklúbbana í Marokkó, dagana 17.-21. desember 2016 og voru spilaðir hefðbundnir 5 hringir.

Efstu 30 í lokaúrtökumóti LET, Lalla Aicha Q-school í Marokkó hlutu fullan og næstu 36 þ.e. þær sem höfnuðu í sætum 31-66 takmarkaðan spilarétt.

Stoltið okkar, sú sem hafnaði í 2. sæti, Valdís Þóra Jónsdóttir, hefir þegar verið kynnt en nú verður hafist handa við að kynna hinar.

Nú erum við að byrja að kynna þær heppnu, sem höfnuðu í 21. sæti og hlutu fullan spilarétt á LET; en það voru 4 stúlkur sem allar léku á 4 undir pari, 356 höggum, hver.

Þetta eru þær Ana Menendez frá Mexikó (70 67 73 74 72); Lauren Taylor frá Englandi (73 76 69 65 73); Frida Gustafsson Spang frá Svíþjóð (69 72 69 71 75) og Puk Lyng Thomsen frá Danmörku (71 71 70 67 77).

Puk Lyng Thomsen frá Danmörku og Frida Gustafsson Spang frá Svíþjóð voru kynntar í gær og í dag er það Lauren Taylor frá Englandi.

Lauren Taylor fæddist í Coventry á Englandi 26. ágúst 1994 og er því 22 ára.

Hún segir helstu áhrifavalda sína í golfinu hafa verið fjölskylda og þjálfara.

Uppáhaldskylfingur Taylor er Rory McIlroy; uppáhaldsgolfvöllur Kingsbarns og uppáhaldslið Liverpool FC.

Lauren Taylor gerðist atvinnumaður í golfi 13. september 2013 eða fyrir 4 árum (þá 18 ára).

Uppáhaldsiðja Taylor utan golfvallarins er að fara í verslunaferðar, borða og taka þátt í öðrum íþróttum.