Nýju stúlkurnar á LET 2015: Laura Jansone (7/34)

Þann 17.-21. desember 2014 fór fram lokaúrtökumót fyrir Evrópumótaröð kvenna í Samanah Al Maaden golfklúbbnum í Marokkó.

Nánar tiltekið 2015 Lalla Aicha Tour School Final Qualifying eins og mótið heitir á ensku.

Meðal þátttakenda á lokaúrtökumótinu í ár voru tveir íslenskir kvenkylfingar Ólafía Þórunn Kristinsdóttir, GR og Valdís Þóra Jónsdóttir, GL, en þær komust því miður ekki í hóp þeirra sem hlutu keppnisrétt á LET 2015.

Golf 1 mun, eins og undanfarin ár kynna allar stúlkur sem hlutu keppnisrétt á Evrópumótaröð kvenna (ens. Ladies European Tour skammst. LET) í gegnum lokaúrtökumótið, en í þetta sinn voru þær 34.

Byrjað verður að kynna þær 9 stúlkur sem urðu í 26.-34. sætinu; allar á  samtals 1 yfir pari, en það var skorið, sem þurfti til að komast inn á Evrópumótaröð kvenna í ár.

Sex fyrstu af þessum 9 stúlkum hafa þegar verið kynntar þ.e. þær Laura Murray og Heather MacRae frá Skotlandi,  Lucie André frá Frakklandi, og Melissa Eaton frá Suður-Afríku og Rebecca Sörensen og Lynn Carlson frá Svíþjóð en nú er komin röðin  að 7. kylfingnum þ.e. Lauru Jansone en hún var samtals á skorinu 1 yfir pari, 361 höggi (75 71 73 69 73).

Laura Jansone var fyrsti lettneski kylfingurinn til þess að komast á LET, eftir að hafa farið í gegnum Lalla Aicha Tour School 2012. Þá var Golf 1 með eftirfarandi kynningu á Jansone, sem enn er í fullu gildi:

Fullt nafn: Laura Jansone.

Ríkisfang: lettnesk

Fæðingardagur: 24. júlí 1988

Fæðingarstaður: Riga, Lettlandi.

Gerðist atvinnumaður: 1. febrúar 2011.

Hæð: 170 cm.

Háralitur: ljóshærð.

Augnlitur: grænn.

Byrjaði í golfi: 1. júlí 1999.

Mestu áhrifavaldarnir í golfinu: Pabbi og Santa Puce.

Áhugamál: snjóbretti, yoga og að mála, dansa og versla.

Frægir ættingjar: Nils Jansons (Inline extreme rollerblading).

Áhugamannsferill: Sexfaldur lettneskur unglingameistari (2000, 2001, 2003-2006).Þrefaldur lettneskur meistari áhugamanna (2004, 2006, 2007).

Menntun: East Tennessee State University, Johnson City, TN, USA.

Hápunktar ferilsins: Sigraði 4 sinnum meðan hún var í bandaríska háskólagolfinu í  East Tennessee State University. Var valin 2007 Atlantic Sun (A-Sun) Conference nýliði ársins.

Var þrisvar sinnum A-Sun Conference First Team selection (2007, 2008, 2010). Tók þátt í tveimur World Amateur Team Championships (2008, 2010).Sigraði tvisvar sinnum í einstaklingskeppni í  A-Sun Conference Women’s Golf Championship (2008, 2010). Atlantic Sun nýliði ársins.