Nýju stúlkurnar á LET 2015: Georgia Hall (33/34)

Þann 17.-21. desember 2014 fór fram lokaúrtökumót fyrir Evrópumótaröð kvenna í Samanah Al Maaden golfklúbbnum í Marokkó.

Nánar tiltekið 2015 Lalla Aicha Tour School Final Qualifying eins og mótið heitir á ensku.

Meðal þátttakenda á lokaúrtökumótinu í ár voru tveir íslenskir kvenkylfingar Ólafía Þórunn Kristinsdóttir, GR og Valdís Þóra Jónsdóttir, GL, en þær komust því miður ekki í hóp þeirra sem hlutu keppnisrétt á LET 2015.

Golf 1 mun, eins og undanfarin ár kynna allar stúlkur sem hlutu keppnisrétt á Evrópumótaröð kvenna (ens. Ladies European Tour skammst. LET) í gegnum lokaúrtökumótið, en í þetta sinn voru þær 34.

Nú hafa allar stúlkur verið kynntar sem urðu í 3.-34. sætinu.

Næst verður kynnt Georgia Hall frá Englandi, sem tók silfrið varð í 2. sæti á lokaúrtökumótinu.

Hún lék á samtals 15 undir pari, skorinu 345 höggum (67 68 69 70 71).

Georgia Hall fæddist í Bournmouth á Englandi, 12. apríl 1996 og er því 18 ára.

Hall er því með þeim yngstu sem komust í gegnum Q-school en það gerði hún í sinni 1. tilraun.

Draumur Hall rættist í maí 2014 þegar hún var valin í lið Breta&Íra í Curtis Cup.  Hún var þá vel búin að vinna sér inn fyrir stöðu sinni í liðinu vegna frábærrar frammistöðu á golfvellinum árið þar áður 2013.

Hún hóf árið á því að sigra á the Australian Youth Olympic Festival tournament. Mun mikilvægari sigur fyrir Hall fylgdi í kjölfarið þegar hún varð sigurvegari í Ladies’ British Amateur Championship og ávann sér þátttökurétt með því í Ricoh Women’s British Open risamótinu á St Andrews.

Þá var Hall áhugamaður og fékk verðlaun ásamt þeirri sem nú er nr. 1 á Rolex-heimslistanum, Lydiu Ko, fyrir að vera með lægsta skor áhugamanna.

Árið 2012 (16 ára) sigraði Hall Girls’ British Amateur og English Ladies’ Amateur Championships.

Þrátt fyrir ungan aldur hefir hún þegar verið í fréttum m.a. vegna þess að henni tókst að vinna sér inn glæsilega, hvíta Mercedes Benz bifreið á Omega Dubai Desert Classic í desember 2014 fyrir að fara holu í höggi og það áður en hún var komin með bílpróf.

Sjá frétt Golf 1 þar um með því að SMELLA HÉR: 

Hall finnst gaman að fara í ræktina, hlausta á tónlist eða fara í verslunaferðir.