Ragnheiður Jónsdóttir | febrúar. 26. 2013 | 20:00

Nýju stúlkurnar á LET 2013: Noora Tamminen (12. grein af 43)

Það voru 42 stúlkur sem hlutu kortin sín á LET, þ.e. Evrópumótaröð kvenna á lokaúrtökumóti Q-school LET, m.ö.o. Lalla Aicha Tour School 2013, sem fram fór í Amelkis golfklúbbnum og Al Maaden golfstaðnum í Marrakech, Marokkó, dagana 13.-17. desember s.l.

Það voru 7 stúlkur sem deildu 36. og síðasta sætinu og rétt mörðu að komast inn á LET. Þær hafa allar verið kynntar en það voru þær:  Cheyenne Woods, hin þýska Ann-Kathrin Lindner, enski unglingurinn Charley Hull, hin sænska Rebecca Sörensen, hin tælenska Tanaporn Kongkiatkrai, hin skoska Vikki Laing og Babe Liu frá Tapei.

Eins þurfti einn kylfingurinn ekki í gegnum Q-school, frægðarhallarkylfingurinn kanadíski Lorie Kane, sem segja má að sé sú 43. sem hlaut keppnisrétt eða kortið sitt á LET, en hún hefir einnig verið kynnt.

Alls voru 5 sem deildu 31. sætinu e á lokaúrtökumóti Q-school LET en það eru: Eva BjarvallNoora TamminenNina HollederHelena Callahan og Leigh Whittaker og hafa þrjár síðargreindu þegar verið kynntar.  Í kvöld kynnum við Nooru Tamminen….

Noora Tamminen

Noora Tamminen

Fullt nafn: Noora Tamminen.

Ríkisfang: finnsk.

Fæðingardagur:  30. október 1990 (22 ára)

Fæðingarstaður: Tampere, Finnlandi.

Gerðist atvinnumaður: 1. janúar 2013.

Hæð: 168 cm.

Háralitur: ljóshærð.

Augnlitur: blár.

Byrjaði í golfi: 1. apríl 2002 (11 ára)

Mesti áhrifavaldur í golfinu: Esa Lehti.

Áhugamál: Allar íþróttir.

Áhugamannsferill: bronsmedalían í World team championship 2012, í Tyrklandi; 5. sætið í  European individual championship 2012.

Staðan í Lalla Aicha Tour School: T-31.