Ragnheiður Jónsdóttir | apríl. 8. 2013 | 18:00

Nýju stúlkurnar á LET 2013: Louise Larsson – (40. grein af 43)

Það voru 42 stúlkur sem hlutu kortin sín á LET, þ.e. Evrópumótaröð kvenna á lokaúrtökumóti Q-school LET, m.ö.o. Lalla Aicha Tour School 2013, sem fram fór í Amelkis golfklúbbnum og Al Maaden golfstaðnum í Marrakech, Marokkó, dagana 13.-17. desember s.l. Þar af hlutu 30 efstu eða þær sem jafnar voru í 30. sætinu fullan keppnisrétt og nokkuð fleiri takmarkaðri spilarétt. Golf 1 tók þær stefnu að kynna líka hluta þeirra sem hlutu takmarkaðri spilarétt þ.e. stúlkurnar sem urðu jafnar í 31. sæti og voru 1 höggi frá því að hljóta fullan keppnisrétt og þær sem voru 3 höggum frá því og deildu 36. sætinu. Þær hafa allar verið kynntar ásamt kanadíska frægðarhallarkylfingnum Lori Kane, sem spilar á LET á undanþágu.

Auk þess hafa allar stúlkur verið kynntar, sem höfnuðu í sætum 5-30 í Lalla Aicha Tour School 2013. Nú er það sú sem varð í 4. sæti:

Fullt nafn: Louise Larsson.

Ríkisfang: sænsk.

Louise Larsson

Louise Larsson

Fæðingardagur: 30. júlí 1990 (22 ára)

Fæðingarstaður: Karlstad, Svíþjóð.

Er félagi í: Karlstad GC í Svíþjóð.

Byrjaði í golfi: 6 ára en fór ekki að keppa fyrr en 10 ára.

Helstu áhrifavaldar í golfinu: Foreldrarnir – Eins á Louise systur, Caroline, sem spilar keppnisgolf þó hún hafi misst lærið vegna krabbameins í því 2011.

Þjálfari: Fredrik Eliasson. Louise var samt áður hjá Henri Reis, Björn Persson og Robert Perman.

Áhugamál: Að spila á flautu, squash, skíði og badminton.

Heimasíða: SMELLIÐ HÉR: 

Hápunktar á áhugamannsferli: Á vallarmetið á Mellerud, 8 undir pari, 63  högg, en þar var hún með 29 högg á síðustu 9 holunum. Louise var í sigurliði Svíþjóðar í  European championships í La Manga Club árið 2010. Hún var einnig í liði Svíþjóðar sem tók bronskið áWorld Championships in Argentínu, 2010.

Atvinnumennskan: Á fyrsta ári sínu á LET, 2011 varð hún þrisvar sinnum T-17 þ.e. á UNIQA Ladies Golf Open, Open de Espana Femenino og Omega Dubai Ladies Masters. Louise varð í 65. sæti á peningalistanum með € 35,433.19 úr 18 mótum. Í fyrra, 2012, á 2. ári sínu á LET spilaði Louise í 20 mótum, en náði aðeins niðurskurði í 10 þeirra.  Besti árangurinn var  T-11 á Deloitte Ladies Open í Hollandi. Verðlaunaféð var miklu mun lægra í fyrra, „aðeins“  €19,711.15 og Louise fór aftur í Q-school 2013, en með þessum líka flotta árangri!

Staðan í Lalla Aicha Tour School 2013:  4. sætið!!!