Ragnheiður Jónsdóttir | mars. 16. 2013 | 16:00

Nýju stúlkurnar á LET 2013: Dawn Shockley – (28. grein af 43)

Það voru 42 stúlkur sem hlutu kortin sín á LET, þ.e. Evrópumótaröð kvenna á lokaúrtökumóti Q-school LET, m.ö.o. Lalla Aicha Tour School 2013, sem fram fór í Amelkis golfklúbbnum og Al Maaden golfstaðnum í Marrakech, Marokkó, dagana 13.-17. desember s.l.  Þar af hlutu 30 efstu eða þær sem jafnar voru í 30. sætinu fullan keppnisrétt og nokkuð fleiri takmarkaðri spilarétt. Golf 1 tók þær stefnu að kynna líka hluta þeirra sem hlutu takmarkaðri spilarétt þ.e. stúlkurnar sem urðu jafnar í 31. sæti og voru 1 höggi frá því að hljóta fullan keppnisrétt og þær sem voru 3 höggum frá því og deildu 36. sætinu. Þær hafa allar verið kynntar ásamt kanadíska frægðarhallarkylfingnum Lori Kane, sem spilar á LET á undanþágu.

Auk þess hafa allar stúlkur verið kynntar, sem höfnuðu í sætum 17-30 í Lalla Aicha Tour School 2013.  Nú um helgina verða kynntar þær stúlkur sem urðu í 15. og 16. sætinu í Q-school, þ.e. þær Paula Hurtado og Dawn Shockley.  Við byrjum á Dawn:

Fullt nafn: Dawn Shockley.

Ríkisfang: bandarísk.

Dawn Shockley

Dawn Shockley

Fæðingardagur: 4. september 1986.

Fæðingarstaður:  Estes Park, Colorado.

Hárlitur: Brúnn.

Augnlitur: Grænn.

Áhugamál: hjólreiðar/fjallahjól, snjóbretti, útilegur, matreiðsla, ræktin, vín og klifur.

Gerðist atvinnumaður: 1. júní 2009.

Mestu áhrifavaldar í golfinu: Móðir, bróðir, D.Porter og M.Miller.

Menntun: Jarðfræðingur frá University of Denver.

Fylgjast má með Dawn á eftirfarandi Twitterfangi: dawnieshock

Áhugamannaferill: Var 11 sinnum á topp-10 í einstaklingskeppnum í háskóla, og sigraði þ.á.m. 2 sinnum í  University of Denver. Dawn varð tvívegis NCAA Academic All-American selection (2005, 2006). Hún varð þrisvar sinnum Sun Belt All-Conference Team selection (2006, 2008, 2009). Hún var sigurvegari í 2009 NCAA East Regional Championship. Loks var hún 2009 NGCA All-American Honorable Mention selection.

Atvinnumannsferill: Árið 2011 spilaði Shockley á Futures Tour og náði besta árangri ferils síns þar þ.e. 2. sætinu á the Santorini Riviera Nayarit Classic. Í lok árs 2011 varð hún í 26. sæti í Q-school LET og rétt slapp inn á LET mótaröðina.

Staða í Lalla Aicha Tour School 2013: T-15.