Nýju stúlkurnar á LET 2012 (30. grein af 34): Stephanie Kirchmayr

Nú á bara eftir að kynna þær stúlkur sem urðu í fimm efstu sætunum á Q-school LET á La Manga 2012.  Tvær stúlkur urðu jafnar í 4. sæti þær Stephanie Kirchmayr frá Þýskalandi sem kynnt verður í dag og Marjet Van Der Graaff frá Hollandi.

Byrjað verður að kynna Stephanie í dag. Stephanie fæddist 24. janúar 1985 í Þýskalandi og er því 27 ára.

Hún er fremur hávaxin 1,82 metra á hæð með brúnt hár og blá augu.  Hún byrjaði að spila golf 8 ára og segir pabba sinn hafa haft mest áhrif á að hún byrjaði í golfi. Hún býr í Nürnberg í Bayern.  Hún er með tvöfalt aðalfag í þ.e. bæði í viðskiptafærði og ferðamálafræði frá College of Charleston í Suður-Karólínu, þar sem hún var við nám í 3 1/2 ár. Hún vann sem framkvæmdastýra í hóteli í ár áður en hún ákvað að reyna fyrir sér sem atvinnumaður í golfi.

Stephanie gerðist atvinnumaður í golfi í janúar á þessu ári. Sem áhugamaður var hún m.a.  í 3. sæti á European Ladies Individual Championship árið 2006.  Hún hefir verið í þýska landsliðinu og var evrópumeistari klúbbliða  (ens.: European Team Champion) árið  2009. Hún varð tvisvar Southern Conference leikmaður ársins í bandaríska háskólagolfinu. Stephanie var NCAA All- American Honorable Mention 2007-08. Besti hringur hennar er 9 undir pari

Loks mætti geta að meðal áhugamála Stephanie eru fótbolti (en hún er mikill stuðningsmaður Bayern München, sund, að horfa á kvikmyndir og hlusta á tónlist.