Nýju strákarnir á PGA Tour: nr. 19 – Kevin Kisner

Kevin Kisner lenti rétt eins og suður-kóreanski kylfingurinn Sang-moon Bae í 11. sæti á Q-school PGA, sem fór fram í La Quinta í Kaliforníu í desember s.l.

Kevin fæddist í Aiken Suður-Karólínu 15. febrúar 1984 og er því 28 ára. Hann á 1 bróður og 1 systur. Hann spilaði golf með University of Georgia og var hluti af liðinu sem vann NCAA Division I Championship, 2005 ásamt þeim Chris Kirk, Richard Scott og Bredon Todd (sem varð í 1. sæti í Q-school PGA 2011).

Eftir útskrift frá Georgíu háskóla gerðist hann atvinnumaður í golfi. Kisner spilaði fyrst um sinn á smá-röðum (NGA Hooters Tour Tarheel Tour) og á tímabilinu 2007-2009 vann hann þrívegis. Hann spilaði líka á 6 mótum Nationwide Tour 2009 og síðan með fullri aðild 2010 og vann 1 mót: Mylan Classic á þeirri mótaröð. Síðan varð hann í 11. sæti í Q-school PGA eins og segir og er nú kominn með kortið sitt á PGA. Sem stendur er Kevin nr. 444 á heimslistanum.

Ýmsir fróðleiksmolar um Kevin Kisner:

Meðal þjálfara Kevin eru Todd Anderson og Hugh Royer III.

Uppáhaldsgolfvöllur af þeim sem hann hefir spilað er Augusta National, en hann myndi langa til að spila Pine Valley.

Kevin ferðast aldrei án fartölvu sinnar.

Fyrsti bíllinn hans var Chevrolet Blazer en nú keyrir hann um á BMW 328i.

Uppáhaldsháskólalið hans í Bandaríkjunum eru Georgia Bulldogs og uppáhalds atvinnumannalið hans eru Carolina Panthers.

Hann notar alltaf höfuðhluta myntar til þess að merkja boltann sinn með.

Uppáhaldssjónvarpsþáttur hans er  „24“ og uppáhaldsskemmtikraftur: Chris Rock. Uppáhaldsmaturinn er:  „macaroni and cheese“ (þ.e. makkarónur í ostasósu), Peyton Manning er uppáhaldsíþróttamaður hans (spilar fyrir Indianapolis í bandaríska fótboltanum) og New York er uppáhaldsborgin.  Tiger Woods, Will Smith og Megan Fox eru draumahollið. Meðal þess sem hann langar til að prófa í framtíðinni er fallhlífarstökk og að keyra fjárflutningabíl. Hann styður The First Tee program í Bandaríkjunum.

Heimild: Wikipedia og PGA Tour