Nýju strákarnir á PGA Tour 2023: Taylor Montgomery (21/50)

Taylor Allen Montgomery fæddist 30. janúar 1995 í Las Vegas, Nevada.

Hann er sonur Mikellu og Monte Montgomery. Faðir Taylors,Monte er upprunalega frá Colorado og var kylfingur við háskólann í Nevada, Las Vegas. Hann spilaði fyrir UNLV Rebels frá 1989 til 1992 og varð m.a. All-American. Monte spilaði í einu móti á PGA mótaröðinni árið 1994, eftir að hann komst í gegnum úrtökumót fyrir Buick Invitational í Kaliforníu, sem fram fór á Torrey Pines golfvellinum. Monte varð í 24. sæti.Monte varð síðar framkvæmdastjóri á Shadow Creek golfvellinum, í Las Vegas.

Áhugamannsferill Taylor Montgomery
Taylor Montgomery útskrifaðist frá Foothill High School árið 2013, þar sem hann var meðal þeirra bestu öll fjögur árin í golfi. Hann vann 4A drengjameistaramótið fyrir einstaklinga í framhaldsskóla árin 2011 og 2013. Hann var einnig byrjunarliðsmaður fyrir körfuboltalið skólans og lék frá 2011 til 2013 sem framherji.

Montgomery fetaði síðan í fótspor föður síns og fór í háskólann í Nevada í Las Vegas þar sem hann lék í bandaríska háskólagolfinu. Þjálfari hans var langtíma þjálfari UNLV golfáætlunarinnar, Dwaine Knight. Þetta var í fyrsta sinn sem Knight þjálfaði bæði  föður og son.   Taylor Montgomery sigraði á Gene Miranda Falcon Invitational árið 2014, með skor upp á 10 undir 206, einu höggi á undan AJ McInerney og Yannik Paul.

Montgomery átti í erfiðleikum með golfleik sinn á síðustu tveimur árum í háskólanum og gat oft ekki komist í liðið. Hann átti í erfiðleikum með að halda boltanum í leik, sem olli því að hann notaði ekki meira en 2 járn fyrir utan teig í öll mót. Liðsfélagi Taylor í UNLV, Harry Hall, sagði að Montgomery hafi „alltaf verið frábær chippari og púttari“ en átt erfitt með að koma boltanum á flötina á þeim tíma. Taylor Montgomery stundaði samskiptafræði og útskrifaðist árið 2017.

Atvinnuferill Taylor Montgomery
Montgomery gerðist atvinnumaður árið 2017. Í október það ár vann hann upphafsmótið á Major Series of Putting. Hann fékk $75.000 í verðlaun og vann einnig $15.000 í viðbót fyrir að vinna liðshluta mótsins með fyrrum UNLV liðsfélaga sínum Kurt Kitayama. Þessir verðlaunapeningar hjálpuðu til við að tryggja sívaxandi golfferil Montgomery.

Í september 2018 fékk Montgomery fugl á fyrstu holu í úrslitakeppninni í leið sinni að sigri í Sand Hollow Leavitt Group Open, smámótaröð í Utah. Þessi sigur veitti Montgomery undanþágu til að spila í Utah Championship 2019 á Web.com Tour, undanfara Korn Ferry Tour. Keppnistímabilip 2021-2022 varð Montgomery síðan í 4. sæti á stigalistanum og því nú í ár kominn á bestu karlagolfmótaröð í heimi, PGA Tour.