S
Ragnheiður Jónsdóttir | desember. 6. 2018 | 14:00

Nýju strákarnir á PGA Tour 2019: Anders Albertson (18/50)

Eins og á undanförnum árum mun Golf 1 kynna „Nýju strákana“ á PGA Tour keppnistímabilið 2018-2019 til sögunnar, en það eru sem fyrr efstu 25 á peningalista Web.com Tour eftir 2017-2018 keppnistímabilið og síðan þeir 25 sem stóðu sig best í síðustu 4 mótunum á mótaröðinni þ.e. í Web.com Finals.

Fyrst verður byrjað að kynna þá 25 sem urðu efstir á peningalista Web.com Tour eftir reglulega tímabilið og verður nú kynntur sá sem varð í 8. sæti peningalistans, Anders Albertson. Eftir að efstu 25 á peningalista Web.com Tour hafa verið kynntir verða þeir 25 kynntir sem urðu efstir á Web.com Finals.

Anders Albertson fæddist 8. júní 1993 og er því 25 ára.

Hann er 1,75 m á hæð og 73 kg.

Albertson lék í bandaríska háskólagolfinu með golfliði Georgia Tech, en þaðan útskrifaðist hann 2015 með gráðu í viðskiptafræði.

Á 2018 keppnistímabilinu á Web.com Tour sigraði Albertson í 1 móti og varð tvívegis meðal efstu 10 en sá árangur skilaði honum 8. sætinu á peningalista Web.com Tour og kortið á PGA Tour.

Til þess að fræðast nánar um Albertson má sjá nýleg svör hanss við spurningum á vefsíðu PGA með því að SMELLA HÉR: