Nýju strákarnir á PGA Tour 2016: Sung Kang (8/50)

Í fyrrahaust voru 50 „strákar“ sem komust á PGA Tour þ.e. þeir 25 sem voru efstir í 2. deildinni Web.com og svo 25 aðrir sem keppa á sérstöku 4 móta úrtökumótaröð Web.com Finals alls 50.

Sá sem varð í 43. sætinu er Sung Kang.

Sung Kang fæddist 4. júní 1987 í Jeju í Suður-Kóreu og er því 28 ára.

Hann var fyrst í Namju High School in Jeju og síðan Yonsei University, þaðan sem hann útskrifaðist fyrir 7 árum þ.e. 2009.

Kang gerðist atvinnumaður í golfi tvítugur að aldrei þ.e. 2007.

Kang vakti fyrst alþjóðlega athygli þegar hann varð í 2. sæti á Ballantine’s Championship 2009, en mótið var samvinnuverkefni kóreanska golfsambandisins og Evrópumótaraðarinnar. Árið eftir þ.e. 2010 sigraði Kang í fyrsta sinn á kóreanska túrnum þ.e. á  the Eugene Open og lauk keppnistímabilinu með því að komast á PGA Tour gegnum úrtökumót.

Í maí 2011 tapaði Kang í bráðabana á BMW Charity Pro-Am á Nationwide Tour. Í mánuðnum þar á eftir (þ.e. júní 2011) komst hann inn á Opna bandaríska, sem var fyrsta risamótið sem hann komst inn á og þar lauk hann keppni T-39, sem þótti góður árangur.   Kang rétt svo náði að endurnýja PGA Tour kortið sitt 2012 með T3 árangri á Children’s Miracle Network Classic og varð í 120. sæti á peningalistanum.

Á  AT&T Pebble Beach National Pro-Am, var Kang með vallarmet, 60 á 2. hring á Monterrey Peninsula vellinum. Með þessum árangri varð hann í forystu eftir föstudaginn og spilaði um helgina þótt honum hafi ekki tekist að sigra.

Árið 2013 vann Kang tvívegis á One Asia mótaröðinni: 2013 CJ Invitational Hosted by K.J. Choi [OneAsia], Kolon Korea Open [OneAsia].

Sem stendur er Kang í 177. sæti á heimslistanum og er í ár 2016 búinn að vinna sér inn $558,224 í verðlaunafé á ferli sínum.

Annað um Sung Kang: 

Uppáhaldsgolfvellir Kang eru: Quail Hollow, suðurvöllur Torrey Pines og Pinx CC heima í S-Kóreu.

Uppáhaldslið Kang er Los Angeles Lakers og uppáhaldsíþróttamaður Kobe Bryant.

Uppáhaldssjónvarpsþáttur er „Radio Star.“

Uppáhaldsmatur er: Kalbee.

Uppáhaldsborg Kang er: Washington, D.C.

Í draumaholli Kang eru:  Ben Hogan, Jack Nicklaus og Arnold Palmer

Ef ætti að spila lag á 1. teig til heiðurs Kang sagði hann að hann kysi helst að það væri þjóðsöngur Kóreu.