Nýju strákarnir á PGA Tour 2015: Steven Alker (32/50)

Steven Alker var í 20. sæti yfir þá sem hlutu kortin sín á PGA Tour keppnistímabilið 2014-2015.

Steven Craig Alker fæddist 28. júlí 1971 í Hamilton, Nýja-Sjálandi og er því 43 ára og með þeim eldri sem fengu kortin sín á túrnum 2014-2015 keppnistímabilið.

Alker gerðist atvinnumaður fyrir 19 árum þ.e. 1995.  Hann var lauk 7. stigi í menntakerfinu í Nýja-Sjálandi 18 ára, sem samsvarar hálfum menntaskóla hjá okkur.

Alker hefir á ferli sínum m.a. sigrað í 4 mótum á Web.com Tour og 6 mótum á alþjóðavísu: 1995 Fiji Open. 1996 Tahiti Open, Queensland Open [Aus]. 1997 South Australian Open [Aus]. 2000 McDonald’s PEI Challenge [Can], Bayer Championship [Can].

Í dag er Alker í 275. sæti heimslistans.

Hér eru ýmsar upplýsingar um þennan ný-sjálenska kylfing, sem spilar á PGA Tour þetta keppnistímabilið:

Utan golfsins hefir Alker m.a. starfað sem borunarmaður eftir bensíni og olíu (ens. petroleum engineer) og sem teppahreinsari.

Alker segir golfkennara sína hafa verið John Griffin og Paul Parlane.

Mesta afrekið í golfinu er að vera fulltrúi Nýja-Sjálands bæði sem áhugamaður og atvinnumaður og auk þess að hafa sigrað í New Zealand PGA Championship í Christchurch, 2009. Fyrir utan golfið segir Alker fæðingu barna hans hafa verið stærsta afrek hans.

Alker ferðast aldrei án kælipoka (ens. ice pack) og hita tækis (ens. heat rack)

Uppáhaldsgolfvellir Alker sem hann hefir spilað eru St. Andrews og Harbour Town GL og hann myndi langa til þess að spila Augusta National.

Uppáhalds háskólalið Alker er Arizona State og uppáhaldsatvinnumannalið eru Arizona Cardinals.

Robin Williams heitinn er uppáhaldsskemmtikraftur Alker og „Old School“ er uppáhaldskvikmynd hans.

Uppáhaldssjónvarpsþáttur Alker eru „Two and a Half Men“ og uppáhaldstímaritið Men’s Journal.

Roger Federer er uppáhaldsíþróttamaður Alker.

Uppáhaldsmatur Alker er ný-sjálenskt lambakjöt.

New York og Stokkhólmur eru uppáhaldsborgir Alker og uppáhaldsfrístaðurinn er Queenstown, á Nýja-Sjálandi.

Meðal hjátrúar Alker er að nota aldrei golfbolta með númerinu 5 á.

Í draumaholli Alker myndu auk hans sjálfs vera:  Jack Nicklaus, David Feherty og Peter Jacobsen

Meðal þess sem Alker á eftir að gera er að fara í frí með konunni sinni til Parísar og Feneyja.

Á árunum 1999-2002 gat Alker ekkert spilað golf vegna gigtar.

Loks eru það The First Tee og Breast Cancer Awareness, sem eru góðgerðarmálin sem Alker styður.