Nýju strákarnir á PGA Tour 2015: Richard Sterne (42/50)

Það var Richard Sterne frá Suður-Afríku, sem varð í 9. sæti af þeim 50, sem hlutu kortin sín á PGA Tour eftir lokamótið Web.com Tour Finals, 21. september s.l.

Richard Sterne fæddist 27. ágúst 1981 í Pretóríu og er því 33 ára.

Sterne var í St Alban’s College á menntaskólaárunum. Hann varð í 2. sæti á  the Boys’ 15-17 Division árið 1999 í World Junior Golf Championships og gerðist atvinnumaður í golfi tveimur árum síðan 2001. Hann var kominn á Áskorendamótaröð Evrópu 2002 og síðan á Evróputúrinn 2003. Sterne vann fyrsta Evrópumótstitil sinn árið 2004 í Open de Madrid.

Á Evróputúrnum árið 2007 vann Sterne, the Celtic Manor Wales Open, og varð í 2. sæti á the Johnnie Walker Classic, sá 3. á the BMW PGA Championship  og í 4. sæti á the Barclays Scottish Open og varð þ.a.l. í 14. sæti á peningalistanum. Árið 2008 náði hann 3. sigri sínum á the Joburg Open, móti sem haldið var í samvinnu við Sólskinstúrinn og í lok árs 2008 vann hann 2 önnur mót á Evróputúrnum, í S-Afríku.

Besti árangur hans á peningalista Evróputúrsins var 8. sætið árið 2013.  Með sigri sínum á Celtic Manor komst Sterne í 40. sæti heimslistans í 1. sinn.

Sterne hefir sigrað 6 sinnum á Sólskinstúrnum og trónaði þar á toppi peningalistans árið 2008.   Í janúar 2008 náði hann að komast í 29. sæti heimslistans.  Sterne náði lítið að spila árin 2010 og 2011 vegna meiðsla.

Í febrúar 2013, vann Sterne the Joburg Open með 7 höggum og lauk þar með 4 ára eyðimerkurgöngu sigurleysis vegna bakmeiðsla.   Sigurinn var hans 6. á bæði Evrópu- og Sólskinstúrnum og kom strax i vikunni eftir að hann náði að verða í 2. sæti á the Dubai Desert Classic. Þetta var líka fyrsti sigurinn sem hann vann ár eftir ár.   Með sigrinum komst Serne á topp-60 á heimslistanum sem þýddi að hann öðlaðist þátttökurétt á heimsmótinu í holukeppni þ.e. WGC-Accenture Match Play Championship og var á toppnum á Race to Dubai stigalistanum. Síðar varð Sterne í 2. sæti á  Alstom Open de France , í 9. sæti á  the WGC-Bridgestone Invitational, í 13. sæti á the Omega European Masters, og í 14. sæti á the DP World Tour Championship í Dubai. Þetta var til þess að hann lauk keppnistímabilinu í 8. sæti peningalistans.

Á 2014 keppnistímabilinu varð Sterne í 4. sæti á the WGC-Cadillac Championship, í 17. sæti á WGC-Accenture Match Play Championship og í 35. sæti á the PGA Championship. Hann hlaut keppnisrétt á the Web.com Tour Finals, þar sem hann náði m.a. 2. sætinu á the Nationwide Children’s Hospital Championship. Í heildina varð Sterne í 9. sæti á  Web.com Tour Finals eins og segir og fékk þar með kortið sitt á sterkustu mótaröð heims á  2014–15 keppnistímabilinu.

Sterne er mikill vinur golfgoðsagnarinnar, Gary Player, en þeir tveir eru oft bornir saman, vegna svipaðrar líkamsstærðar. Sterne hefir spilað nokkrum sinnum á   the Gary Player Invitational góðgerðramótinu til þess að styðja við bakið á menntun barna fátækra fjölskyldna.