Nýju strákarnir á PGA Tour 2012: nr. 9 – Daníel Summerhayes

Daníel Summerhayes fæddist 2. desember 1983 í Farmington, Utah og er því 28 ára.  Hann deildi 18. sætinu í PGA Q-school nú s.l. desember ásamt 5 öðrum kylfingum þeim Patrick Sheehan, Scott Dunlap, Greg Owen og síðan Will Claxton og Edward Loar sem þegar hafa verið kynntir.

Daníel kemur úr þekktri golffjölskyldu í Bandaríkjunum Hann byrjaði að spila golf fyrir tilstuðlan pabba síns.

Eftirminnilegasta jólgjöf segir hann hafa verið Ping Eye-2 beryllium járnasett, sem hann fékk þegar hann var 12 ára.

Eldri bróðir Daníel, Boyd spilaði bæði á PGA Tour og Nationwide Tour og Daníel segir bróður sinn og pabba fyrirmyndir sínar. Frændi hans Bruce Summerhays spilaði á Champions Tour og frænka hans Carrie Roberts spilaði á LPGA og er nú golfþjálfari hjá BYU. Hann á 20 frænkur og frændur og segir að þ.a.l. sé ekkert mál að skipta um bleyju á syni sínum, hann fái góða aðstoð.

Daníel var ríkismeistari Utah í körfubolta meðan hann var í Davis High School (Kaysville, UT). Hann spilar líka gjarnan borðtennis.

Daníel er mormóni eins og svo margir í Utah og fór í ferð að boða boðskapinn á vegum þeirra og bjó 2 ár í Santiago, Chile og talar þar af leiðandi góða spænsku.

Þar sem hann talar svo fína spænsku var hann í „Latin Federation“ á Nationwide Tour, en í þeim félagsskap eru m.a. Miguel Angel Carballo, Sebastian Fernandez, Fabian Gomez og Esteban Toledo.  Hann skilur Chile slangur fullkomlega en á erfiðar með mállýskur í Argentínu og Mexíkó.

Hann segir að mesta afrekið í golfinu sé sigur hans 2007 á  Nationwide Children’s Hospital Invitational. Hann notar alltaf appelsínugult boltamerki.

Uppáhaldsveitingastaður hans er Café Rio í Salt Lake City, Utah.  Uppáhaldsvefsíður hans eru espn.com og pgatour.com.

Uppáhaldslið hans er Utah Jazz. Uppáhaldsfrístaður hans er Monterey í Kaliforníu og Hawaii. Er með þurrkað nautakjöt (ens. beef jerky) og blöndu af hnetum og þurrkuðum ávöxtum (ens.: trail mix ) í pokanum þegar hann spilar.

Heimild: pgatour.com