Ragnheiður Jónsdóttir | febrúar. 2. 2012 | 20:30

Nýju strákarnir á PGA Tour 2012: nr. 3 – Nathan Green

Nathan Andrew Green fæddist 13. maí 1975 í Newcastle, New South Wales, í Ástralíu.

Hann gerðist atvinnumaður 1998. Snemma á ferlinum spilaði hann aðallega á Ástralasíu túrnum og kanadíska túrnum  meðan vetur var í Ástralíu. Árið 2000 spilaði hann á Queensland PGA Championship í Ástralíu og  the Benefit Partners/NRCS Classic í Kanada.

Þar sem honum mistókst að hljóta kortið sitt á bandaríska PGA 2002, 2004 og 2005 spilaði hann í 2. deild, þ.e. á Nationwide Tour. Hann lauk keppnistímabilinu 2005 í 18. sætinu á peningalistanum, þannig að hann hlaut kortið eftirsótta á PGA 2006.  Hann lauk leik í 5. sæti á fyrsta móti sínu á PGA Tour og í 2. móti sínu, Buick Invitational mótinu, spilaði hann um 1. sætið í umspili við Tiger Woods og José María Olazábal, en datt út þegar á 1. holu. Hann lauk árinu á topp-50 á peningalistanum.

Eftir að Green sigraði á New Zealand Open í desember 2006 komst hann í fyrsta sinn meðal 100 bestu kylfinga heims á heimslistanum.

Nathan Green sigraði fyrst á PGA túrnum árið 2009 á RBC Canadian Open, þar sem hann hafði betur gegn afmæliskylfingi dagsins, Retief Goosen á 2. holu umspils. Green tapaði næstum á 1. holu en Goosen setti ekki niður 2 metra fuglapútt, sem hann þurfti til að sigra mótið. Á 2. holu fór bolti Green framhjá í 4 metra fuglapútti en það skipti ekki máli. Goosen varð að setja niður 3 metra parpútt til að framlengja umspilið, en það tókst ekki og því gaf hann Green sigurinn.

Að lokum mætti geta nokkurra fróðleiksmola um Nathan Green:

Nathan Green tók eitt sinn boði um að vera gestgjafi á New South Wales Open og var það í fyrsta sinn  í 78 ára sögu mótsins, sem keppandi í mótinu hefir verið gestgjafi.

Nathan spilaði fótbolta fyrir New South Wales.

Áður fyrr vann hann á líkbrennslustöð  sem foreldrar hans sjá um í Valentine, í Ástralíu. Hann vann líka í pro-shop-inu í Westside GC  í Newcastle, Ástralíu.

Hann fór eitt sinn holu í höggi og vann  $500,000 á the Ericsson Masters.

Það var bróðir Nathan, sem varð til þess að Nathan byrjaði í golfi og eftir að hann byrjaði notaði hann kylfur ömmu sinnar.

Heimild: PGA Tour og Wikipedia