Ragnheiður Jónsdóttir | október. 21. 2019 | 14:00

Nýju strákarnir á PGA 2020: Viktor Hovland (45/50)

Eins og á undanförnum árum mun Golf 1 kynna „Nýju strákana“ á PGA Tour. Nú verða kynntir „nýju strákarnir“ keppnistímabilið 2019-2020 til sögunnar, en það eru sem fyrr efstu 25 á peningalista Korn Ferry Tour eftir 2018-2019 keppnistímabilið og síðan þeir 25 sem stóðu sig best í síðustu 3 mótunum á mótaröðinni þ.e. í Korn Ferry Tour Finals.

Nú hafa verið kynntir þeir 25, sem urðu efstir á stigalista Korn Ferry Tour eftir reglulega tímabilið og hlutu þannig kortin sín á mótaröð þeirra bestu, PGA Tour. Nú er aðeins eftir að kynna þá 25, sem urðu efstir á Korn Ferry Tour Finals og fengu kortin sín þannig.

Í dag verður kynntur sá sem varð í 6. sæti á Korn Ferry Tour Finals en það er Viktor Hovland, sem var með 620 stig.

Viktor Hovland fæddist í Osló 18. september 1997 og er því nýorðinn 22 ára.

Hann er 1,78 m á hæð og 88 kg.

Hovland spilaði í bandaríska háskólagolfinu með golfliði Oklahoma State University–Stillwater. Árið 2014 varð Hovland norskur meistari í höggleik.

Árið 2018 sigraði Hovland US Amateur og varð fyrsti Norðmaðurinn til þess að sigra á því móti. Sigurinn varð til þess að honum var boðið að taka þátt á Master 2019; Opna bandaríska og Opna breska 2019. Hann spilaði í  Emirates Australian Open 2018, sem áhugamaður og varð T-13, sem var glæsilegur árangur!

Hovland varð sá áhugamanna, sem vegnaði best á Masters nú á þessu ári; spilaði á samtals 3 undir pari og varð T-32. Með þessari frammistöðu komst hann í 1. sæti á heimslista áhugamanna. Á Opna bandaríska 2019 varð hann í 12. sæti sem er besti árangur hans til þessa dags í risamótum, með heildarskor upp á 280 högg. Þetta var lægsta skor áhugamanns á Opna breska og bætti hann fyrra met Jack Nicklaus um 2 högg, en metið hafði staðið óhreyft frá árinu 1960. Hann varð fyrsti kylfingurinn til þess að vera áhugamaðurinn með lægsta skorið bæði á Masters og Opna bandaríska á sama keppnisstímabili; allt frá því Matt Kuchar tókst það 1998.

Helstu sigrar Hovland sem áhugamanns eru:

2013 Norgescup 7, Team Norway Junior Tour 6
2014 Alcaidesa Winter Open, Titleist Tour 2, Norgesmesterskapet (Norskur höggleiksmeistari)
2018 Valspar Collegiate, U.S. Amateur, Royal Oaks Intercollegiate
2019 The Prestige

Hovland gerðist atvinnumaður í golfi eftir góða árangurinn í Opna bandaríska 2019 og spilaði í fyrsta atvinnumannsmóti sínu á Travelers á PGA Tour. Með þessu gaf hann frá sér þátttökuna á Opna breska 2019. Hann skrifaði undir styrktarsamning við Ping, Audemars Piguet og J. Lindeberg.

Þann 25. ágúst 2019 varð Hovland T-2 á Albertsons Boise Open, sem er hluti af Korn Ferry Tour Finals. Þessi góði árangur tryggði honum kortið sitt á PGA Tour 2019–20 keppnistímabilið. Besti árangur hans á PGA Tour til þessa er T-4 árangur á  Wyndham Championship 2019.