Ragnheiður Jónsdóttir | september. 28. 2019 | 14:00

Nýju strákarnir á PGA 2020: Mark Hubbard (20/50)

Eins og á undanförnum árum mun Golf 1 kynna „Nýju strákana“ á PGA Tour. Nú verða kynntir „nýju strákarnir“ keppnistímabilið 2019-2020 til sögunnar, en það eru sem fyrr efstu 25 á peningalista Korn Ferry Tour eftir 2018-2019 keppnistímabilið og síðan þeir 25 sem stóðu sig best í síðustu 3 mótunum á mótaröðinni þ.e. í Korn Ferry Tour Finals.

Fyrst verða kynntir þeir 25, sem urðu efstir á stigalista Korn Ferry Tour eftir reglulega tímabilið og hlutu þannig kortin sín á mótaröð þeirra bestu, PGA Tour, fyrst var kynntur sá sem varð í 25. sæti og rétt slapp inn á mótaröðina og síðan endað á þeim sem landaði 1. sæti stigalistans, Scottie Scheffler, með 2935 stig.

Síðan verða kynntir þeir 25 sem komust á PGA Tour gegnum Korn Ferry Tour Finals.

Í dag verður kynntur sá kylfingur, sem varð í 6. sæti eftir reglulega tímabilið, Mark Hubbard sem var með 1410 stig á stigalista Korn Ferry Tour.

Mark Hubbard fæddist 24. maí 1989 í Denver, Colorado og er því 30 ára. Hann á 4 bræður og 1 systur.

Fyrsta golfminningin er að hafa verið að slá golfbolta í bakgarði fjölskyldu sinnar í Colorado fjöllum og vera síðan að leita að boltunum.

Hubbard er meðalmaður á hæð þ.e. 1,83 m á hæð og 79 kg.

Hann var á menntaskólaárum sínum í Colorado Academy í Denver, Colorado og var all-state bæði í golfi og körfu- bolta.

Hann valdi golfið yfir körfuboltann („vegna þess að hann var ekki nógu hár til þess að spila í NBA“).

Hubbard spilaði í bandaríska háskólagolfinu með golfliði San Jose State University og útskrifaðist 2011 með gráðu í viðskiptafræði (ens.: business management).

Hann gerðist atvinnumaður í golfi árið þar á eftir þ.e. 2012.

Árið 2013 var Hubbard á MacKenzie túrnum í Kanda og sigraði 1 sinni þar þ.e. á 2013 Wildfire Invitational.

Árið 2014 var hann kominn á undanfara Korn Ferry Tour og árið 2015 í fyrsta sinn á PGA Tour.

Árið 2019 sigraði hann á Korn Ferry þ.e. á 2019 LECOM Suncoast Classic og það er ástæðan að Hubbard er enn einu sinni kominn á PGA Tour og það keppnistímabilið 2019-2020.

Annað um Hubbard:

* Ef hann væri ekki atvinnukylfingur myndi hann vilja flytja til Bora Bora og opna Tiki bar.

* Hubbard finnst gaman á Heli-skíðum.

* Uppáhaldsgolfvöllur Hubbard er Cypress Point.

* Uppáhaldsíþróttalið eru öll í Colorado, einkum Denver Broncos.

* Uppáhaldssjónvarpsþáttur er „Shameless“; uppáhaldskvikmynd: „Forgetting Sarah Marshall.“

* Uppáhaldsskemmtikraftur er Lupe Siasco og Dermot Kennedy.

* Uppáhaldsbók er Ready Player One.

* Uppáhaldsstaðir í heiminum eru Telluride og Bora Bora.

* Uppáhaldsmatur er Sushi.

* Í draumaholli Hubbard myndu vera:  E. Harvie Ward, Walter Hagen og Yohann Benson.

* Meðal þess sem Hubbard langar til að gera þ.e. er á listanum hjá honum yfir ógerða hluti er: að spila á Augusta National, að stíga fæti á allar heimsálfur og að fara á skíði í Evrópu.

* Þau góðgerðarmálefni sem Hubbard leggur til eru Hjálpræðisherinn og First Tee í Colorado.

* Ef hann mætti velja sér lag á 1. tig myndi það vera  „The Instrumental“ eftir Lupe Fiasco.

* Hubbar bað kærustu sinnar á 18. braut Pebble Beach eftir 1. hringinn á AT&T Pebble Beach Pro-Am árið 2015.

Helstu áhugamál Hubbard utan golfsins eru tölvuleikir, fara fínt út að borða, vera með vinum og fara á skíði.

Í aðalmyndarglugga: Mark Hubbard eftir að hann sigraði á LECOM Suncoast Classic. Mynd: Matt Sullivan.