Nýju strákarnir á PGA 2018: Chesson Hadley (25/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað verður á því að kynna þá 25 sem efstir voru á peningalista Web.com Tour og hljóta þannig kortið sitt í 1. deild, PGA Tour.

Líkt og venja er hér á Golf 1 verður byrjað að kynna þann, sem rétt slapp inn í gegnum peningalistann og síðan endað á þeim sem var á toppnum.

Síðan verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar.

Sá sem varð efstur, í 1. sæti peningalistans með samtals verðlaunafé upp á samtals $395,212 (Verðlaunafé í Web.com Finals: $26,452; Verðlaunafé á reglul. tímabili:$368,761) var bandaríski kylfingurinn Chesson Hadley.

Chesson Hadley fæddist 5. júlí 1987 í Raleigh, Norður-Karólínu og er því 30 ára. Hadley byrjaði í golfi 6 ára og braut fyrst par 13 ára. Chesson kynntist eiginkonu sinni, Amöndu, í barnaskóla og eiga þau 1 dóttur Hollins Marie Hadley, fædda 2015.

Hadley lék í bandaríska háskólagolfinu með Georgia Institute of Technology og útskrifaðist úr skóla sínum með gráðu í viðskiptafræði.

Hadley gerðist atvinnumaður í golfi árið 2010 og hefir spilað á Web.com Tour frá árinu 2013 og á PGA Tour frá árinu 2014.

Hadley á í beltinu fjóra sigra á Web.com Tour; tveir komu árið 2013: Rex Hospital Open, Web.com Tour Championship og tveir aðrir nú í ár, 2017; LECOM Health Challenge og Albertsons Boise Open presented by Kraft Nabisco.

Eins hefir Hadley einu sinni sigrað á PGA Tour en sá sigur kom árið 2014: Puerto Rico Open presented by seepuertorico.com.

Frekari upplýsingar um Hadley má finna á vefsíðu hans sem sjá má með því að SMELLA HÉR: 

Chesson Hadley hefir mikinn áhuga á Jesú, vinum sínum og skemmtilegheitum.

Ýmsir fróðleiksmolar um Hadley:

*Ef hann þyrfti að snæða síðustu máltíð sína og mætti ráða hver hún væri myndi hann velja: Ruth’s Chris filet, frönskurnar á McDonald’, Bojangles Chicken Supremes, og í desert kvikmyndahúsa popkorn.
*Uppáhaldsgolfminning hans er að nota fyrsta golfsettið sitt þegar hann var að spila með pabba sínum.
*Chesson Hadley hefir þann ávana að smella með fingrum eftir hvern fugl sem hann nær.
*Hadley spilar golf rétthent en er örvhentur í flest öllu öðru.
*Er aktívur í kirkjustarfi.
*Vann sem þjónn á Casa Carbone, ítölskum veitingastað í Raleigh, Norður-Karólínu, meðan hann var á minni mótaröðunum og þegar hann átti frí frá Web.com Tour.
*Hann rakar sig aldrei meðan hann tekur þátt í móti.
*Það vita það ekki margir að hann myndi fremur vaska upp allan daginn til að forðast að þvo þvott.