Nýju strákarnir á PGA 2018: Ben Silverman (16/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað verður á því að kynna þá 25 sem efstir voru á peningalista Web.com Tour og hljóta þannig kortið sitt í 1. deild, PGA Tour.

Líkt og venja er hér á Golf 1 verður byrjað að kynna þann, sem rétt slapp inn í gegnum peningalistann og síðan endað á þeim sem var á toppnum. Síðan verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar.

Sá sem varð í 10. sæti peningalistans með samtals verðlaunafé upp á samtals $278,187 (Verðlaunafé í Web.com Finals: $21,281; Verðlaunafé á reglul. tímabili:$256,906) var kanadíski kylfingurinn Ben Silverman.

Ben Silverman fæddist í Thornhill, Ontario, í Kanada.15. nóvember 1987 og er því 29 ára.

Silverman var í bandaríska háskólagolfinu en hann lék með liði Johnson & Wales University; Florida Atlantic University, þaðan sem hann útskrifaðist 2010, með gráðu í sálfræði.

Silvermann gerðist atvinnumaður í golfi sama ár og hann útskrifaðist úr háskóla, þ.e. 2010.

Silverman á einn sigur á alþjóðlegu golfmóti í beltinu, en það er sigur á Maccbiah Games, 2013.

Frá árinu 2014 spilaði Silverman á hinum kanadíska  MacKenzie Tour og frá árinu 2016 á Web.com Tour.

Hann á einn sigur á Web.com Tour, þann sem fleytti honum inn á mótaröð þeirra bestu PGA Tour, en mótið sem Silverman sigraði á var 2017 Price Cutter Charity Championship presented by Dr Pepper.

Ben Silverman kvæntist eiginkonu sinni Morgan, 18. júlí nú í ár, 2017.

Silverman er í tveimur golfklúbbum: í einum, nálægt þeim stað þar sem hann býr í dag, Palm Beach, Florida, en sá golfklúbbur heitir Mayacoo Lakes CC  og hinn er nálægt heimabæ Silverman í Kanada þ.e. Maple Downs CC.

Meðal helstu áhugamála Silverman utan golfsins eru CrossFit, snjóbretti, ævintýra gönguferðir, að kanna nýja staði, vera á ströndinni, horfa á kvikmyndir og allt sem snertir samkeppni.

Ýmsir fróðleiksmolar um Silverman:

*Uppáhaldsíþróttamenn Silverman sem hann fylgist með eru Tiger Woods, LeBron James og Sidney Crosby.
*Í draumaholli Silverman, auk hans sjálfs myndu vera: Tiger, Fred Couples og Rory McIlroy.
*Uppáhaldsgolfvöllur Silverman er Isleworth og uppáhaldslið Silverman eru  Miami Heat og the Miami Dolphins.
*Twitterfang Silverman er:  is @benw_silverman