Nýju strákarnir á PGA 2018: Bronson Burgoon (42/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað var á því að kynna þá 25 sem efstir voru á peningalista Web.com Tour og hlutu þannig kortin sín í 1. deild, PGA Tour.

Líkt og venja er hér á Golf 1 var byrjað að kynna þann, sem rétt slapp inn í gegnum peningalistann og síðan endað á þeim sem var á toppnum. Hann hefir þegar verið kynntur, Chesson Hadley, efsti maður á peningalista Web.com Tour 2017.

Nú verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar, en þeir 25 hljóta einnig spilarétt og kort fyrir 2017-2018 keppnistímabilið á PGA Tour.

Sá sem var í 9. sæti og komst inn á PGA Tour í gegnum Web.com Tour finals er bandaríski kylfingurinn Bronson Burgoon en hann var með verðlaunafé á Web.com Finals upp á samtals $90,812 .

Bronson Burgoon fæddist 2. júní 1987 í The Woodlands, Texas og er því 30 ára. Það var vegna eldri bróður síns, Brandon, sem spilaði golf, sem Bronson Burgoon byrjaði í golfi, en hann var mjög tíður þátttakandi í unglingagolfmótum í Texas.

Í dag er Burgoon 1,88 m á hæð og 86 kg.

Hann var í bandaríska háskólagolfinu og lék með golfliði Texas A&M University, líkt og eldri bróðirinn.

Golfklúbburinn sem Burgoon tilheyrir í Texas er The Club at Carlton Woods (í Spring, Texas).

Burgoon gerðist atvinnumaður í golfi 2010.

Burgoon hefir spilað á PGA TOUR Latinoamérica frá árinu 2012; Web.com Tour frá árinu 2014 og af og til á PGA Tour frá árinu 2016.

Burgoon hefir sigrað í 2 mótum sem atvinnumaður, í báðum 2012:Firewheel at Garland Classic og Twin Lakes Open.

Á næsta ári  2018 er hann kominn með kortið sitt og tryggðan spilarétt á PGA Tour.

Burgoon kvæntist ástinni sinni úr háskóla Katy, 2. apríl 2016.

Til að sjá eldra (frá 2016) kynningarmyndskeið með Bronson Burgoon SMELLIÐ HÉR: