Nýju strákarnir á PGA 2013: Richard H. Lee – (22. grein af 26)

Hér verður fram haldið með að kynna stuttlega efstu 26 kylfinganna í lokaúrtökumóti Q-school PGA, sem fram fór 28. nóvember – 3. desember 2012 í La Quinta, Kaliforníu og hlutu í kjölfarið kortið sitt þ.e. þátttökurétt á PGA Tour, 2013

Þeir sem efstir voru eða jafnir í fyrstu 25 sætunum hlutu keppnisrétt á PGA Tour 2013. Alls hlutu 26 kylfingar kortið sitt í gegnum Q-school PGA að þessu sinni og hafa þeir kylfingar sem voru í 7.-26. sæti allir verið kynntir hér á Golf 1.

Nú er komið að 3 strákum sem deildu 4. sætinu: Billy Horschel, Richard H. Lee og Kris Blanks.  Byrjað var með kynningu á Billy Horschel, sem er í 1. sæti á móti vikunnar á PGA Tour, Texas Valero Open, þegar fyrir lokahringinn, en í kvöld er komið að Richard H. Lee.

Lee var nýliði á PGA Tour í fyrra og komst þá í 1. tilraun sinni í gegnum Q-school PGA Tour 2011, varð í 24. sæti og var meðal þeirra heppnu sem rétt slapp inn – Hann varð aftur að fara í Q-school 2012, en nú með mun betri árangri þ.e. T-4 árangri, s.s. áður greinir.

Til þess að sjá kynningargrein Golf1 á Richard H. Lee þegar hann komst í 1. skipti í gegnum Q-school PGA í hittifyrra 2011 (en lítið hefir breyst hjá honum síðan þá, fyrir utan þá gríðarlegu reynslu sem hann er kominn með)  SMELLIÐ HÉR: