Ragnheiður Jónsdóttir | mars. 26. 2013 | 18:00

Nýju strákarnir á PGA 2013: Jeff Gove – (15. grein af 26)

Hér verður fram haldið með að kynna stuttlega efstu 26 kylfinganna í lokaúrtökumóti Q-school PGA , sem fram fór 28. nóvember – 3. desember 2012, í La Quinta, Kaliforníu og hlutu í kjölfarið kortið sitt, þ.e. þátttökurétt á PGA Tour 2013.

Þeir sem efstir voru eða jafnir í fyrstu 25 sætunum hlutu keppnisrétt á PGA Tour 2013. Alls hlutu 26 kylfingar kortið sitt í gegnum Q-school PGA að þessu sinni og hafa þeir kylfingar sem voru í 17.-26. sæti allir verið kynntir hér á Golf 1.

Nú er komið að 3 strákum sem deildu 10. sætinu þeim: Michael Letzig, Jeff Gove og Fabian Gomez. Í gær var Michael Letzig kynntur og í dag er það Jeff Gove.

Jeff Gove fæddist 28. maí 1971 í Seattle, Washington og er því 41 árs. Hann hefir spilað bæði á PGA Tour og Nationwide Tour (nú Web.com Tour).  Gove spilaði í bandaríska háskólagolfinu með liði Pepperdine University og eftir útskrift gerðist hann atvinnumaður árið 1994.

Gove hefir eins og áður segir pendúlast milli PGA Tour og Nationwide Tour – þannig var hann á PGA Tour árin 2000, 2006-08 og árið 2010 þ.e. sléttu árin hafa reynst honum betur hingað til – með 2013 sem undantekningu!!!

Gove spilaði á Nationwidw Tour 1995-1999, 2001, 2003-05, 2009 og 2010-12. Hann hefir sigrað þrisvar sinnum á Nationwide Tour og besti árangur hans á PGA Tour er T-6 árangur á Booz Allen Classic árið 2006 og John Deer Classic, árið 2007.

Árið 2007 ávann Gove sér líka spilarétt í FedEx Cup umspilinu því hann varð í 144. sæti á FedEx Cup listanum. 

Árið 2009 varð Gove 17. á peningalista Nationwide Tour og vann sér þannig inn kortið sitt á PGA Tour – Seint á síðasta, 2012 ári fór hann í Q-school og var í 10.-12. sæti sem fyrr segir og spilar því á PGA Tour, keppnistímabilið 2013.