Nýju strákarnir á PGA 2013: Dong Hwan Lee – (26. grein af 26)

Hér er loks komið að því að kynna þann sem varð í efsta sæti af 26 sem fengu kortin sín á lokaúrtökumóti Q-school PGA, sem fram fór 28. nóvember – 3. desember 2012 í La Quinta, Kaliforníu.

Þeir sem efstir voru eða jafnir í fyrstu 25 sætunum hlutu keppnisrétt á PGA Tour 2013. Alls hlutu 26 kylfingar kortið sitt í gegnum Q-school PGA að þessu sinni og hafa þeir kylfingar sem voru í 2.-26. sæti allir verið kynntir hér á Golf 1.

Sigurvegarinn í lokaúrtökumótinu var Dong Hwan Lee.

Dong Hwan Lee þekktur nú á PGA Tour sem DH Lee,  fæddist 9. apríl 1987 í Seúl,  Suður-Kóreu og á því sama afmælisdag og Seve. Hann  byrjaði í golfi þegar hann fór á völlinn með pabba sínum. Lee í háskólanum í Kóreu þaðan sem hann útskrifaðist með gráðu í íþróttafræðum. Í Kóreu býr Lee  í Yongin.

Dong Hwan gerðist atvinnumaður í golfi 2005 og hefir á ferli sínum sigrað 4 sinnum, þar af tvisvar á japanska PGA.

DH Lee segir að hápunkturinn í golfinu hingað til hafi verið þegar hann spilaði á Opna breska 2007.

Tiger Woods er uppáhaldskylfingurinn.

Lee var í Suður-kóreanska flughernum frá desember 2008 – janúar 2011.

Loks er Dong Hwan er mikill aðdáandi Real Madrid í spænska boltanum.