Ragnheiður Jónsdóttir | nóvember. 22. 2019 | 18:00

Nýju strákarnir á Evróputúrnum 2020: Dale Whitnell (2/28)

28 kylfingar tryggðu sér fullan spilarétt á Evrópumótaröðinni og mun Golf 1, líkt og á undanförnum vera með kynningu á þeim.

Meirihluti þeirra sem komst á Evróputúrinn, með þátttöku sinni í lokaúrtökumótinu eru reynsluboltar, sem margir hafa spilað á Evróputúrnum og í nokkrum tilvikum einnig bestu mótaröð í heimi PGA TOUR og voru þáttakendur í lokaúrtökumótinu því  sérlega sterkir í ár.

Lokaúrtökumótið fór fram á Lumine golfstaðnum á Spáni, dagana 15.-20. nóvember 2019 að þessu sinni.

Golf 1 mun byrja á þeim sem rétt sluppu inn á mótaröðina en þeir eru 4: Jean Babtiste Gonnet frá Frakklandi, sem hefir þegar verið kynntur; Dale Whitnell frá Englandi, sem kynntur verður í dag og Svíarnir Niklas Lemke og Rikard Karlberg. Þessir 4 deildu 25. sætinu, léku allir á samtals 12 undir pari, 416 höggum.

Dale Whitnell fæddist 9. ágúst 1988 í Colchester, Englandi og er því 31 árs.

Whitnell var m.a. í liði Breta&Íra í Walker Cup 2009, rétt áður en hann gerðist atvinnumaður í golfi, fyrir 10 árum síðan.

Hann var besti áhugamaður Breta í golfi 2009 og varð stigameistari enska golfsambandsins það ár (ens.: won the English Golf Union Order of Merit).

Hann spilaði í 1. móti sínu sem atvinnukylfingur á Evróputúrnum þ.e. á Alfred Dunhill Links Championship í október 2009 og varð í 36. sæti. Hann bætti árangur sinn í mótinu árið eftir, 2010, þegar hann varð í 4. sæti á Alfred Dunhill Championship í Leopard Creek S-Afríku, í fyrsta mótinu í The 2010 Race to Dubai.

Whitnell finnst gaman að fylgjast með öllum íþróttum, sérstaklega boltaíþróttum og nýtur þess að vera með fjölskyldu og vinum.

Í golfinu er hann sem stendur nr. 408 á heimslistanum.

Þetta var í 8. skipti (2008, (09), (10), (11), (13), (14), (16) 2019) sem Whitnell tók þátt í lokaúrtökumótinu fyrir Evróputúrinn og í þetta sinn gekk allt upp; hann spilar á mótaröðinni 2020!!!