Nýju strákarnir á Evróputúrnum 2020: Aaron Cockerill (22/28)

28 kylfingar tryggðu sér fullan spilarétt á Evrópumótaröðinni og mun Golf 1, líkt og á undanförnum vera með kynningu á þeim.

Meirihluti þeirra sem komst á Evróputúrinn, með þátttöku sinni í lokaúrtökumótinu eru reynsluboltar, sem margir hafa spilað á Evróputúrnum og í nokkrum tilvikum einnig bestu mótaröð í heimi PGA TOUR og voru þáttakendur í lokaúrtökumótinu því sérlega sterkir í ár.

Lokaúrtökumótið fór fram á Lumine golfstaðnum á Spáni, dagana 15.-20. nóvember 2019 að þessu sinni.

Í fyrsta sinn í golfsögunni voru 3 íslenskir keppendur á lokaúrtökumótinu: Andri Þór Björnsson, GR; Bjarki Pétursson, GB og Guðmundur Ágúst Kristjánsson, GR. Því miður komst enginn þeirra á Evróputúrinn að þessu sinni.

Golf 1 hefir þegar kynnt þá 4, sem rétt sluppu inn á Evróputúrinn og urðu T-28, þá 8 kylfinga sem deildu 17. sætinu og þá 4, sem deildu 13. sætinu og þá 5, sem urðu T-8.  Næst verður kynntur sá sem landaði 7. sætinu í lokaúrtökumótinu, en það er kanadíski kylfingurinn Aaron Cockerill en hann lék á samtals 16 undir pari, 412 höggum (73 66 69 67 68 69).

Aaron Cockerill fæddist 17. apríl 1992 og er því 28 ára og er frá Stony Mountain í Manitoba, Kanada.

Hann er 1.8 m á hæð og 82 kg.

Cockerill var í bandaríska háskólagolfinu og lék með golfliði University of Idaho.

Hann gerðist atvinnumaður í golfi fyrir 5 árum þ.e. árið 2015.

Þá þegar árið 2016 var hann kominn á hina kanadíska MacKenzie PGA Tour og gekk vel þar, strax fyrsta tímabilið sitt, s.s. sjá má af viðtali sem tekið var við hann og birtist á vefsíðu mótaraðarinnar – Sjá með því að SMELLA HÉR: 

Á MacKenzie Tour lék Cockerill í 3 ár og keppnistímabilið 2018- 2019 spilaði hann á Áskorendamótaröð Evrópu, þar sem hann varð í 49. sæti á stigalistanum.

Hann tók þátt í lokaúrtökumótinu í lok árs 2019 með þessum líka fína árangri að hann er kominn á næstbestu karlmótaröð heims, Evróputúrinn, 2020.

Sem stendur er Cockerill nr. 774 á heimslistanum.