Ragnheiður Jónsdóttir | desember. 5. 2018 | 18:00

Nýju strákarnir á Evróputúrnum 2019: Max Schmitt (5/27)

Golf 1 hefir á undanförnum árum kynnt „nýju strákana“ á Evróputúrnum og verður því fram haldið hér.

Lokaúrtökumótið í ár fór fram á Lumine golfstaðnum í Tarragona, nálægt Barcelona á Spáni, dagana 10.-15. nóvember og voru að venju spilaðir 6 hringir.

Efstu 25 og þeir sem jafnir voru í 25. sætinu hlutu kortið sitt á Evróputúrnum. Í ár voru það 27 sem hlutu kortið sitt á Evróputúrnum.

Líkt og á undanförnum árum verður hafist á að kynna þá sem urðu í síðustu sætunum fyrst og endað á þeim sem sigruðu í Q-school þ.e. urðu efstir í lokaúrtökumótinu.

Í ár deildu 8 strákar 20. sætinu og komust því 27 „nýir strákar“ á Evróputúrinn í ár gegnum lokaúrtökumótið. Einn þeirra sem ekki komst að þessu sinni, þrátt fyrir frábæra spilamennsku var Birgir Leifur „okkar“ Hafþórsson, GKG.

Hér verður byrjað að kynna þann þá 8 sem deildu 20. sætinu þ.e. þá sem urðu T-20 á lokaúrtökumótinu. Búið er að kynna Hugo León, Ben Evans, Kristoffer Reitan og Gavin Moynihan en í dag verður Max Schmitt kynntur.

Max Schmitt fæddist 10. maí 1998 og er því 20 ára.

Þrátt fyrir ungan aldur hefir Schmitt spilað á Pro Golf Tour, Challenge Tour og er nú kominn á mótaröð þeirra bestu í Evrópu, Evrópumótaröð karla.

Í Þýskalandi er hann í golfklúbb Rheinhessen.

Fræðast má nánar um Schmitt með því að sjá heimasíðu hans með því að SMELLA HÉR: