Nýju strákarnir á Evróputúrnum 2018: Felipe Aguilar (5/33)

Það voru 33 kylfingar sem tryggðu sér keppnisrétt á Evrópumótaröðinni í gegnum lokaúrtökumót Evrópumótaraðarinnar, sem fram fór dagana 11.-16. nóvember sl. á Lumine golfstaðnum á Spáni.

Það voru 25 efstu og þeir sem jafnir voru í 25. sætinu, sem tryggðu sér keppnisrétt.

9 kylfingar deildu með sér 25. sætinu í ár; léku allir hringina 6 á samtals 13 undir pari.

Í dag verður Felipe Aguilar kynntur en hann var einn af þeim 9 heppnu síðustu, sem hlutu kortið sitt en Jazz Janewattananond, Gavin Moynihan, Matthew Nixon og Cristofer Blomstrand hafa þegar verið kynntir.

Felipe Aguilar fæddist 7. nóvember 1974 í Valdivia, Chile og er því 43 ára.

Hann er 1,7 m á hæð og 72 kg.

Aguilar er kvæntur konu sinni, Loreto og á 3 börn: Martin (f. 1998); Amalíu (f. 2000) og Victoríu (f. 2004).

Aguilar var í bandaríska háskólagolfinu og lék með liði University of North Florida.

Í dag býr Felipe í Santiago, Chile.

Aguilar gerðist atvinnumaður í golfi 1999 og hefir sigrað í 8 atvinnumannamótum á stærri mótaröðunum:

Aguilar hefir sigrað tvívegis á Evróputúrnum:

1 17. feb 2008 Enjoy Jakarta Astro Indonesia Open1 −18 (65-62-67-68=262) átti 1 högg á Jeev Milkha Singh frá Indlandi
2 4. maí 2014 The Championship at Laguna National1 −22 (65-67-72-62=266) átti 1 högg á Anders Hansen frá Danmörku og, David Lipsky frá Bandaríkjunum.

Eins hefir Aguilar sigrað tvívegis á Áskorendamótaröð Evrópu:

1 26. ágúst 2007 Postbank Challenge –18 (66-66-69-65=266) sigraði eftir bráðabana við Andrew McArthur frá Skotlandi og Englendinginn Paul Waring
2 16. sept 2007 OKI Mahou Challenge de España –17 (71-63-70-67=271) sigraði eftir bráðabana við Tobias Dier frá Þýskalandi

Loks hefir Aguilar sigrað í 4 öðrum stórum mótum sem atvinnumaður í golfi:

2002 Chile Open
2003 Memorial Olivier Barras (Alps Tour)
2008 Chile Open
2016 Chile Open