Ragnheiður Jónsdóttir | desember. 21. 2017 | 18:00

Nýju strákarnir á Evróputúrnum 2018: Christiaan Bezuidenhout (6/33)

Það voru 33 kylfingar sem tryggðu sér keppnisrétt á Evrópumótaröðinni í gegnum lokaúrtökumót Evrópumótaraðarinnar, sem fram fór dagana 11.-16. nóvember sl. á Lumine golfstaðnum á Spáni.

Það voru 25 efstu og þeir sem jafnir voru í 25. sætinu, sem tryggðu sér keppnisrétt.

9 kylfingar deildu með sér 25. sætinu í ár; léku allir hringina 6 á samtals 13 undir pari.

Í dag verður Christiaan Bezuidenhout kynntur en hann var einn af þeim 9 heppnu síðustu, sem hlutu kortið sitt en Felipe Aguilar, Jazz Janewattananond, Gavin Moynihan, Matthew Nixon og Cristofer Blomstrand hafa þegar verið kynntir.

Christiaan Bezuidenhout fæddist 18. maí 1994 í Delmas, Suður-Afríku og er því 23 ára.

Hann byrjaði að spila golf 4 ára og átti mjög góðan áhugamannsferil

Bezuidenhout er í  Serengeti Wildlife & Golf Est. golfklúbbnum í S-Afríku.

Hann gerðist atvinnumaður í golfi 2015. Það ár var hann stigameistari á The Big Easy Tour, sem er 2. deildin í S-Afríku.

Bezuidenhout varð í 2. sæti á BMW SA Open og hlaut því keppnisrétt á Evróputúrnum í ár.

Bezuidenhout hefir tvívegis tekið þátt í lokaúrtökumóti fyrir Evróputúrinn (2016 og 2017) og er nú kominn á mótaröðina í 2. tilraun.

Meðal áhugamála Bezuidenhout er að kafa, Chelsea í enska fótboltanum og að hlusta á tónlist.