Nýju strákarnir á Evróputúrnum 2014: Brinson Paolini (13/27)

Í dag verður fram haldið að kynna þá 5 stráka, sem deildu  12.-16. sæti í Q-school Evrópumótarðarinnar, sem fram fór á Catalunya golfvellinum, í Girona, á Spáni, 10.-15. nóvember 2013.

Þetta voru þeir Patrik Sjöland, Brinson Paolini, Jens Dantrop, Simon Wakefield og James Heath.

Allir léku þeir á samtals 11 undir pari, 417 höggum og hlutu € 3.170 í verðlaunafé.

Kynntur verður sá sem varð í 15. sæti – Brinson Paolini, en Paolini var einn af 4 Bandaríkjamönnum, sem komust í gegnum Q-school að þessu sinni, en aldrei áður hafa jafnmargir Bandaríkjamenn tekið þátt í Q-school og komist í gegn. Aðeins Englendingar (5) eru fjölmennari hópur og reyndar fjölmennasti hópurinn sem fór í gegnum Q-school Evrópumótaraðarinnar nú í ár.

Paolini spilaði á (71 70 68 64 72 72).

Brinson fæddist í Boise, Idaho 8. janúar 1991 og ólst upp í Virginia Beach, Virginia. Hann er því 22 ára.  Brinson sigraði  Virginia Amateur 4 sinnum. Hann lék í bandaríska háskólagolfinu með  Duke University.  Hann átti fínan háskólaferil í golfinu sigraði m.a. á 2013 ACC Championship og vann í kjölfarið Byron Nelson Award, og fetaði þar með í fótspor góðs vinar síns, Dylan Fritelli sem vann sama titil árinu áður.

Í Virginíu er hann í Princess Anne Country Club.

Brinson gerðist atvinnumaður í ár, 2013 og hóf ferilinn á the Challenge Tour. Það varð hann T-2 á fyrsta mótinu sem hann tók þátt í, the Swiss Challenge og sigraði í 3. mótinu sem hann tók þátt í Le Vaudreuil Golf Challenge.

Og nú náði hann sér í 15. kortið í Q-school og er kominn með fullan keppnisrétt á Evrópumótaröðina 2014! …. í fyrstu tilraun.

Loks mætti nefna að meðal áhugamála Brinson utan golfsins er að ferðast, vera á ströndinni og vera í ræktinni.

Sem stendur er Brinson Paolini nr. 371 á heimslistanum og í 63. sæti á Race to Dubai.