Nýju strákarnir á Evróputúrnum 2014: Simon Wakefield (15/27)

Í dag verður fram haldið að kynna þá 5 stráka, sem deildu  12.-16. sæti í Q-school Evrópumótaraðarinnar, sem fram fór á Catalunya golfvellinum, í Girona, á Spáni, 10.-15. nóvember 2013.

Þetta voru þeir Patrik Sjöland, Brinson Paolini, Jens Dantrop, Simon Wakefield og James Heath.

Allir léku þeir á samtals 11 undir pari, 417 höggum og hlutu € 3.170 í verðlaunafé.  Nú þegar hafa Sjöland, Paolini og Dantorp verið kynntir en sá sem kynntur verður í dag varð í 13. sæti –  Simon Wakefield. Wakefield var einn af 5 enskum kylfingum, fjölmennasta hópnum sem komust á Evróputúrinn að þessu sinni í gegnum Q-school en hinir voru Adam Gee, Daniel Brooks, James Heath  og James Morrisson.

Wakefield spilaði á (69 68 67 69 75 69).

Simon Wakefield  fæddist í Newcastle-under-Lyme 14. apríl 1974 og er því 39 ára. Hann gerðist atvinnumaður í golfi árið 1997 og hefir frá þeim tíma farið 10 sinnum í Q-school, þar af sigraði hann 1 sinni þ.e. árið 2010.

Simon Wakefield þegar hann sigraði í Q-school 2010

Simon Wakefield býr í Stafford á Englandi og er þar í Blue Bell BMW golfklúbbnum.  Wakefield er kvæntur Denise (frá árinu 2004) og þau eiga tvö börn Lucy (2007) og Ben (2010).

Meðal áhugamála Simon Wakefield fyrir utan golfið eru fótbolti, að hlusta á tónlist og flug.

Fá má allar nánari upplýsingar um Wakefield á heimasíðu hans, sjá með því að SMELLA HÉR: