Ragnheiður Jónsdóttir | desember. 31. 2013 | 12:45

Nýju strákarnir á Evróputúrnum 2014: Fabrizio Zanotti (26/27)

Í  dag verða kynntir  efstu kylfingar þ.e. þeir sem urðu í verðlaunasætum þ.e. 1. og 2. sæti  í Q-school Evrópumótaraðarinnar, sem fram fór á Catalunya golfvellinum, í Girona, á Spáni, 10.-15. nóvember 2013 og lýkur þar með kynningum um „nýju stráka Evróputúrsins.“

Þetta voru hvorutveggja kylfingar, sem spilað hafa á Evróputúrnum, en gekk ekki nógu vel á keppnistímabilinu 2013 og urðu því að fara í Q-school til að endurnýja kortin sín.  Þeir eru því ekki „nýjir“ á túrnum nema að því leyti að þeir tilheyra þessum lukkulega 27 stráka hópi sem spila 2014 á túrnum. Báðir komu þeir beint af túrnum á lokaúrtökumótið og höfðu því ekki eins mikið fyrir kortum sínum og margir hinna strákanna, en alls voru t.a.m. 6 að þessu sinni af 27 sem komust í gegnum öll úrtökumótin 3. Það voru: þ.e. Adrien Saddier, Connor Arendell, Jack Doherty, John Hahn, Kevin Phelan og  Thomas Pieters.

Þeir tveir sem urðu í efstu sætunum höfðu þó nokkra yfirburði yfir þá sem þátt tóku í lokaúrtökumótinu. Sá sem varð í 2. sæti Fabrizio Zanotti frá Paraguay  átti þannig 6 högg á þann sem varð í 3. sæti og var kynntur í gær, Ítalann Marco Crespi. Zanotti lék  21 undir pari – 407 höggum  (66 70 67 68 68 68) og sá sem varð efstur og verður kynntur í annarri grein, Carlos Del Moral átti 5 högg á Zanotti!!!

Fabrizio Zanotti er fæddur í Asuncion, Paragvæ, 21. maí 1983 og átti því 30 ára stórafmæli á árinu! Hann veit það eflaust ekki en hann á sama afmælisdag og stórkylfingurinn Sveinn Snorrason í GK!

Zanotti byrjaði að spila golf 2 ára þegar hann hljóp á eftir pabba sínum á golfvellinum með prik og sló í hvítinn lítinn bolta! Zanotti átti glæstan áhugamannaferil í heimalandinu en þar var hann besti áhugamaðurinn í 6 ár, áður en hann gerðist atvinnumaður 2013.

Hann komst fyrst á Evrópumótaröðina í gegnum Áskorendamótaröðina þegar hann sigraði 2. mót ársins 2007: Abierto Mexicano Corona, og hlaut€37,248 í verðlaunafé – Hann varð jafnframt 4 sinnum meðal efstu 10 það ár á Áskorendamótaröðinni það ár og í 11. sæti peningalistans. Honum gekk ekki vel keppnistímabilið 2008 og varð að faraí Q-school og vann sér þar inn kortið sitt fyrir keppnistímabilið 2009 og hefir haldið því  síðan,  en missti kortið sitt á keppnistímabilinu 2013 eftir að hafa orðið í 140. sæti í Race to Dubai. Hann náði þó kortinu aftur glæsilega með 2. sætinu í Q-school. Hann hefir aldrei sigrað á Evrópumótaröðinni en hefir verið nálægt því nokkrum sinnum a.m.k. í 3 tilvikum: 2009 á the Open de España; árið 2010 á KLM Open og 2012 á Irish Open, en í öllum tilvikum varð hann í 2. sæti.

Zanotti er kvæntur konu sinni Luciu, en þau skötuhjú giftu sig nú í ár. Áhugamál Zanotti fyrir utan golfið eru íþróttir almennt.