Nýju strákarnir á Evróputúrnum (20. grein af 21): Sam Hutsby varð í 2. sæti í Q-school

Sam Hutsby varð í 2. sæti á Q-school evrópsku mótaraðarinnar í Girona á Spáni í desember á sl. ári.  Sam fæddist í Portsmouth, Hampshire 29. október 1988 og er því 23 ára.

Hutsby átti mjög farsælan feril sem áhugamaður í golfi.  Þjálfari hans var Sam Torrance allt til ársins 2008.  Árið 2009 tapaði hann í úrslitum á The Amateur Championship í Formby Golf Club fyrir  Matteo Manassero, sem er yngsti sigurvegari á mótinu. Sam Hutsby sigraði á Spanish Amateur árið 2006, sem gaf honum rétt til að spila á  Spanish Open 2009, en þar tapaði hann í úrslitum fyrir Reinier Saxton.

Í apríl 2009 var Hutsby í 6. sæti á heimslista áhugamanna og sá hæst „rankaði“ af enskum kylfingum.  Hann spilaði í Walker Cup 2009 og tapaði í tvímenningi en vann á sunnudeginum í fjórmenningnum ásamt Wallace Booth (bróður Carly Booth) og varð þar með sá sem skoraði flest stig fyrir England.

Daginn eftir Walker Cupp gerðist Sam atvinnumaður í golfi 2009, sem og Gavin Dear, sem var hæst „rankaði“ skoski áhugamaðurinn.  Umboðsmaður þeirra er  Wasserman Media Group.

Fyrsta mótið sem Sam Hutsby spilaði í sem atvinnumaður var Alfred Dunhill Links Championship, í október 2009.  Sigurvegari mótsins var  Simon Dyson. Í Q-school í lok ársins varð Sam í 2. sæti á eftir Simon Khan og vann í fyrsta sinn kortið sitt á evrópsku mótaröðini 2010.  Það munaði aðeins 1 sæti að hann héldi kortinu, en hann missti það og spilaði því á Áskorendamótaröðinni 2011, þar sem hann varð í 48. sætinu.  Hann varð því aftur að fara í Q-school í árslok í fyrra, þar sem hann varð í 2. sæti á eftir David Dixon, sem vann Q-school 2011 og verður kynntur síðastur allra hér á Golf 1.

Heimild: Wikipedia