Nýju strákarnir á Evróputúrnum (16. grein af 21): Knut Børsheim

Í kvöld verður Knut Børsheim kynntur en hann tók 7. kortið á lokaúrtökumóti Q-school Evróputúrsins, sem fram fór dagana 10. -15. desember á PGA Catalunya í Girona á Spáni.

Knut Börsheim.

Knut Børsheim fæddist 29. apríl 1987 og er því 25 ára.

Knut spilaði í bandaríska háskólagolfinu fyrir sama háskola, Arizona State, og Paul Casey og Phil Mickelson. Hann útskrifaðist 2010 með gráðu í fjármálum. Hápunktur ferils hans í háskólagolfinu kom á síðasta ári hans þegar hann fékk 5 fugla á síðustu 6 holunum og hjálpaði þar með Arizona State að komast í úrslit NCAA. Hann var valinn 2009/10 Men’s Golf Scholar-Athlete of the Year og ávann sér 2010 ESPN All-American Honourable Mention.

Knut þjáðist af krónískri þreytu eftir háskólaár sín en eftir að hafa náð upp fyrri styrp tryggði hann sér boð styrktaraðila til að spila á Áskorendamotaröðinni þ.á.m. Kazakhstan Open, þar sem hann varð í 2. sæti á eftir

Englendingnum Tommy Fleetwood. Á lokaúrtökumóti Q-school varð hann í 7. sæti og tryggði sér því keppnisrétt á Evrópumótaröðinni í ár, þ.e. keppnistímabilið 2012, eftir að hafa naumlega af því að komast á mótaröðina eftir sætisröðun á Áskorendamótaröðinni. Á lokaúrtökumótinu spilaði hann frábærlega fór m.a tvívegis holu í höggi.  Í frítíma sínum fyrir utan golfið segir Knut að helsta áhugamálið sé að fylgjast með hlutabréfamörkuðunum.