![](https://www.golf1.is/wp-content/uploads/2012/01/Branden-Grace2-630x354.jpg)
Nýju strákarnir á Evróputúrnum (14. grein af 21): Guillaume Cambis og Branden Grace
Í dag verða þeir Guillaume Cambis og Branden Grace kynntir, en þeir komust í gegnum Q-school Evróputúrsins í Girona á Spáni, 10.-15. desember sl.
Byrjum á Guillaume Cambis.
Frakkinn Guillaume Cambis fæddist 3. júlí 1988 og er því 23 ára. Hann byrjaði að spila golf 3 ára þegar pabbi hans fór með hann í fyrsta sinn á golfvöllinn í Meaux sem er í norðausturhluta Parísar. Líkt og landar hans Grégory Havret, Charles-Edouard Russo og besti vinur hans Romain Wattel er hann í Bussy-St-Georges golfklúbbnum í útjaðri Parísar.
Eftir að hafa tvívegis sigrað á Alps Tour 2011 og hafa orðið í efsta sæti stigalistans fór hann í Q-school og varð T-1 á 2. stigi ásamt Luke Goddard. Á lokaúrtökumótinu á PGA Catalunya Resort í Girona á Spáni varð Cambis í 10. sæti og spilar því á Evróputúrnum í ár.
Meðal helstu áhugamála hans er að hlusta á klassíska tónlist, spila póker og drekka klassavín. Helsta átrúnaðargolf hans er Rory McIlroy, sem hann spilaði við í fyrsta sinn á Lytham Trophy, árið 2007, þegar Lloyd Saltman vann.
Næsta mann þarf vart að kynna, hann hefir séð um kynningu á sér sjálfur í ár, en hér er verið að tala um Branden Grace, frá Suður-Afríku, sem oft er nefndur „Amazing Grace“ af aðdáendum.
Branden Grace.
Branden Grace fæddist 20. maí 1988 í Pretoríu í Suður-Afríku og er því nýorðinn 24 ára. Sem áhugamaður tók hann þátt í Ernie Els og Fancourt Foundation. Grace er suður-afrískur meistari í höggleik 2006 og gerðist atvinnumaður 2007. Fyrst spilaði hann á Áskorendamótaröðinni, en síðan á Sólskinstúrnum, þar sem hann á í beltinu 2 sigra. Í Girona í lokaúrtökumóti Q-school varð hann í 11. sæti. Síðan strax sem nýliði á Evróputúrnum í ár er hann búinn að sigra á 3 mótum: Joburg Open, 15. janúar 2012; Volvo Golf Champions 22. janúar og Volvo China Open 22. apríl 2012. Hann á nánast vísan nýliðabikarinn á Evróputúrnum og það lá nánast ljóst fyrir þegar aðeins þriðjungur af árinu var liðinn.
Nánar verður fjallað um Branden Grace síðar í greinaflokknum Hver er kylfingurinn? á Golf1.
Til þess að sjá úrslitin á lokaúrtökumóti Q-school smellið HÉR:
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:30 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn
- júlí. 23. 2024 | 16:00 Afmæliskylfingur dagsins: Harris English —- 23. júlí 2024
- júlí. 23. 2024 | 12:06 Opna breska 2024: Hvað var í sigurpoka Xander Schauffele?