Nýju i20 PING járnin 2012 væntanleg – Lee Westwood lak mynd af 8-járni

Nýju járna-kylfurnar frá PING, þ.e. i20 PING 2012 hafa ekki enn verið kynntar formlega af hálfu fyrirtækisins. Nr. 2 í heiminum, Lee Westwood, sem er með auglýsinga- og styrktarsamning við PING gat þó ekki setið á sér og „lak“ mynd af einni af kylfunum nýju frá PING í golffjölmiðla. Myndin er af 8-járni.  Kylfurnar, sem hafa verið prófaðar allt s.l. ár hafa vakið hrifningu hjá flestum, sem þær hafa prófað. Auk þess þykir hönnunin falleg. Þegar er hafin samkeppni um bestu auglýsinguna fyrir kylfuna og verður ein látin fljóta með hér: „Perfect vision for your eye is 20. The perfect club for your game is the i20″ (orðaleikur á ensku sem erfitt er að þýða).