Vonandi að allt blessist milli þeirra … og Tiger sjáist veifa bandaríska fánanum í Sochi
Ragnheiður Jónsdóttir | mars. 18. 2013 | 20:45

Nú er það opinbert! Woods og Vonn eru par!!!

Nú er það opinbert!:  Tiger Woods og Lindsey Vonn eru par. Einn besti kylfingur allra tíma og Ólympíu skíðadrottningin gáfu út tilkynningar bæði á Facebook og Twitter ásamt myndum af sér.

„Þetta keppnistímabil hefir verið frábært að svo komnu með sigrum bæði á Torrey og Doral,“ sagði Woods m.a. á Facebook síðu sinni. „En nokkuð dásamlegt hefir líka gerst utan vallar en það var að hitta Lindsey Vonn. Lindsey og ég höfum verið vinir um tíma, en á nokkrum síðustu mánuðum höfum við orðið mjög náin og erum nú í föstu sambandi.  Við þökkum ykkur fyrir stuðninginn og fyrir að virða einkalíf okkar. Við viljum halda áfram með samband okkar, í friði og sem venjulegt par og halda áfram að keppa sem íþróttamenn.“

Woods og Vonn eiga ýmislegt sameiginlegt. Bæði eru best í sinni íþróttagrein. Bæði hafa átt í þrálátum hnjámeiðslum og bæði hafa gengið í gegnum skilnað. Bæði auglýsa fyrir Rolex.

Hvað styrktaraðila varðar eiga þau annars fátt sameiginlegt. Tiger er á samningi hjá NIKE eins og allir vita og Vonn er hjá samkeppnisaðilanum Under Armour. Þó Under Armour sé smáfyrirtæki miðað við NIKE (með 1.83 billjónir í veltu á móti $ 25.12 billjóna veltu NIKE) þá er fyrirtækið á uppleið …. og þeir hafa líka fyrir skemmstu höfðað mál gegn NIKE.

Hvað varðar verðlaunafé standa þau heldur ekki jafnfætis, en á það er að líta að Tiger er 37 og Lindsey aðeins 28 ára. Tiger hefir unnið sér inn $59,4 milljónir en Lindsey „aðeins“ $ 3 milljónir.

En hvað um það; Lindsey virðist hafa haft góð áhrif á Tiger, sem auðvitað endurspeglast í árangri hans úti á golfvelli!!!