Nordic Golf League: Guðmundur Ágúst og Haraldur Franklín náðu niðurskurði á Lumine

Fimm íslenskir kylfingar hófu keppni á SGT Winter Series Lumine Hills Open, sem er mót vikunnar á Nordic Golf League.

Þetta voru þeir:  Aron Bergsson, Andri Þór Björnsson, Axel Bóasson, Guðmundur Ágúst Kristjánsson og Haraldur Franklín Magnús

Mótið fer fram í Lumine golfklúbbnum á Spáni, sem mörgum Íslendingnum er að góðu kunnur og spilað er á tveimur völlum Hills (par-72) og Lakes (par-71).

Mótið  stendur 24. febrúar – 3. mars 2019 og þátttakendur eru 147.

Eftir 2. dag komust aðeins 2 af íslensku kylfinganna 5 gegnum niðurskurð; GR-ingarnir Guðmundur Ágúst og Haraldur Franklín.

Haraldur Franklín Magnús

Aðeins 40 efstu og þeir sem jafnir voru í 40. sætinu komust í gegnum niðurskurð og til að komast í gegnum niðurskurð í þetta sinn, varð að spila á samtals 1 yfir pari eða betur.

Guðmundur Ágúst lék á samtals 2 undir pari, 141 höggi (72 69) en hann lék Lakes völlinn seinni hringinn og er T-18.

Haraldur Franklín lék á samtals 1 undir pari, 142 höggum (68 74) en hann lék Hills völlinn seinni hringinn og er T-25.

Hinir eru úr leik og er sérlega leiðinlegt að Aron Bergsson komst ekki gegnum niðurskurð en hann var T-5 eftir fyrri daginn. Aron átti afleitan dag á Lakes vellinum, 82 högg, eftir að hafa spilað svo glæsilega fyrri daginn á 69 höggum á Hills vellinum og endaði á samtals 8 yfir pari.

Andri Þór Björnsson lék á 6 yfir pari (74 75) og Axel Bóasson á samtals 11 yfir pari (78 76) og eru þeir ásamt Aroni Bergssyni úr leik.

Sjá má stöðuna á SGT Winter Series Lumine Hills Open með því að SMELLA HÉR: